ביום ההוא יהיה מצרים כנשים וחרד ופחד מפני תנופת יד יהוה צבאות אשר הוא מניף עליו׃

אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם׃

וישביהן קצרי יד חתו ויבשו היו עשב שדה וירק דשא חציר גגות ושדפה לפני קמה׃

שיר המעלות לשלמה אם יהוה לא יבנה בית שוא עמלו בוניו בו אם יהוה לא ישמר עיר שוא שקד שומר׃

שוא לכם משכימי קום מאחרי שבת אכלי לחם העצבים כן יתן לידידו שנא׃

עלו בשרותיה ושחתו וכלה אל תעשו הסירו נטישותיה כי לוא ליהוה המה׃

כי אם הכיתם כל חיל כשדים הנלחמים אתכם ונשארו בם אנשים מדקרים איש באהלו יקומו ושרפו את העיר הזאת באש׃

קול אמר קרא ואמר מה אקרא כל הבשר חציר וכל חסדו כציץ השדה׃

יבש חציר נבל ציץ ודבר אלהינו יקום לעולם׃

כי כחציר מהרה ימלו וכירק דשא יבולון׃

זרמתם שנה יהיו בבקר כחציר יחלף׃

בבקר יציץ וחלף לערב ימולל ויבש׃

בפרח רשעים כמו עשב ויציצו כל פעלי און להשמדם עדי עד׃

אנוש כחציר ימיו כציץ השדה כן יציץ׃

יהיו כחציר גגות שקדמת שלף יבש׃

והעשיר יתהלל בשפלותו כי יעבר כציץ החציר׃

כי זרח השמש בחמתו וייבש את החציר ויבל ציצו וחסד מראהו אבד כן יבול העשיר בהליכותיו׃

כי כל בשר חציר וכל כבוד איש כציץ השדה יבש חציר נבל ציץ׃