ויאמר לא תוסיפי עוד לעלוז המעשקה בתולת בת צידון כתיים קומי עברי גם שם לא ינוח לך׃

ואמרת אליהם את הדבר הזה תרדנה עיני דמעה לילה ויומם ואל תדמינה כי שבר גדול נשברה בתולת בת עמי מכה נחלה מאד׃

סלה כל אבירי אדני בקרבי קרא עלי מועד לשבר בחורי גת דרך אדני לבתולת בת יהודה׃

מה אעודך מה אדמה לך הבת ירושלם מה אשוה לך ואנחמך בתולת בת ציון כי גדול כים שברך מי ירפא לך׃

נפלה לא תוסיף קום בתולת ישראל נטשה על אדמתה אין מקימה׃

ונותרה בת ציון כסכה בכרם כמלונה במקשה כעיר נצורה׃

עוד היום בנב לעמד ינפף ידו הר בית ציון גבעת ירושלם׃

הנה יהוה השמיע אל קצה הארץ אמרו לבת ציון הנה ישעך בא הנה שכרו אתו ופעלתו לפניו׃

למען אספרה כל תהלתיך בשערי בת ציון אגילה בישועתך׃

רני בת ציון הריעו ישראל שמחי ועלזי בכל לב בת ירושלם׃

רני ושמחי בת ציון כי הנני בא ושכנתי בתוכך נאם יהוה׃

גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות׃

אמרו לבת ציון הנה מלכך יבוא לך עני ורכב על חמור ועל עיר בן אתנות׃

רעו עמים וחתו והאזינו כל מרחקי ארץ התאזרו וחתו התאזרו וחתו׃

עצו עצה ותפר דברו דבר ולא יקום כי עמנו אל׃

גם את הארי גם הדוב הכה עבדך והיה הפלשתי הערל הזה כאחד מהם כי חרף מערכת אלהים חיים׃

ויאמר הפלשתי אל דוד לכה אלי ואתנה את בשרך לעוף השמים ולבהמת השדה׃

היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל׃

יתיצבו מלכי ארץ ורוזנים נוסדו יחד על יהוה ועל משיחו׃

יושב בשמים ישחק אדני ילעג למו׃

לדוד יהוה אורי וישעי ממי אירא יהוה מעוז חיי ממי אפחד׃

אם תחנה עלי מחנה לא יירא לבי אם תקום עלי מלחמה בזאת אני בוטח׃

תאלמנה שפתי שקר הדברות על צדיק עתק בגאוה ובוז׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

יהמו יחמרו מימיו ירעשו הרים בגאותו סלה׃

אלהים בקרבה בל תמוט יעזרה אלהים לפנות בקר׃

יהוה צבאות עמנו משגב לנו אלהי יעקב סלה׃

קראו זאת בגוים קדשו מלחמה העירו הגבורים יגשו יעלו כל אנשי המלחמה׃

עושו ובאו כל הגוים מסביב ונקבצו שמה הנחת יהוה גבוריך׃

גם אנכי ככם אדברה לו יש נפשכם תחת נפשי אחבירה עליכם במלים ואניעה עליכם במו ראשי׃

כל ראי ילעגו לי יפטירו בשפה יניעו ראש׃

גל אל יהוה יפלטהו יצילהו כי חפץ בו׃

והעברים גדפו אותו ויניעו את ראשם׃