כאשר יאמר משל הקדמני מרשעים יצא רשע וידי לא תהיה בך׃

ויען נבל את עבדי דוד ויאמר מי דוד ומי בן ישי היום רבו עבדים המתפרצים איש מפני אדניו׃

ולקחתי את לחמי ואת מימי ואת טבחתי אשר טבחתי לגזזי ונתתי לאנשים אשר לא ידעתי אי מזה המה׃

היהפך כושי עורו ונמר חברברתיו גם אתם תוכלו להיטיב למדי הרע׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

ואני אמר לכם כל מלה בטלה אשר ידברו בני האדם יתנו עליה חשבון ביום הדין׃

כי מן הלב יוצאות מחשבות רע רציחות נאופים זנונים גנבות עדיות שקר וגדופים׃

ראה מה גדול היער ואש קטנה תבעירנו גם הלשון אש היא עולם מלא עולה׃

כן הלשון נצבת בין אברינו המגאלת את כל הגוף ומלהטת את גלגל הויתנו והיא להוטה באש גיהנם׃

למנצח אל תשחת לדוד מכתם האמנם אלם צדק תדברון מישרים תשפטו בני אדם׃

אף בלב עולת תפעלון בארץ חמס ידיכם תפלסון׃

כי קרבו כתנור לבם בארבם כל הלילה ישן אפהם בקר הוא בער כאש להבה׃

כלם יחמו כתנור ואכלו את שפטיהם כל מלכיהם נפלו אין קרא בהם אלי׃

הוי חשבי און ופעלי רע על משכבותם באור הבקר יעשוה כי יש לאל ידם׃

וחמדו שדות וגזלו ובתים ונשאו ועשקו גבר וביתו ואיש ונחלתו׃

ויאמר פטרוס חנניה למה זה מלא השטן את לבבך לשקר ברוח הקדש ולהסתיר ממחיר השדה׃

הלא שלך היה טרם המכרו וגם אחרי נמכר היה בידך ולמה שמת על לבבך הדבר הזה לא שקרת בבני אדם כי אם באלהים׃

אין לך חלק וגורל בדבר הזה כי לבבך איננו ישר לפני האלהים׃

ועתה שוב מרעתך זאת והתחנן אל האלהים אולי תסלח לך מזמת לבבך׃

כי אם ינסה כל איש בתאות נפשו אשר תסיתהו ותפתהו׃

ואחרי כן הרתה התאות ותלד חטא והחטא כי נשלם יוליד את המות׃

הלא רעתך רבה ואין קץ לעונתיך׃

לא מים עיף תשקה ומרעב תמנע לחם׃

אלמנות שלחת ריקם וזרעות יתמים ידכא׃

גבלות ישיגו עדר גזלו וירעו׃

יטו אביונים מדרך יחד חבאו עניי ארץ׃

בשדה בלילו יקצירו וכרם רשע ילקשו׃

מזרם הרים ירטבו ומבלי מחסה חבקו צור׃

ערום הלכו בלי לבוש ורעבים נשאו עמר׃

מעיר מתים ינאקו ונפש חללים תשוע ואלוה לא ישים תפלה׃

לאור יקום רוצח יקטל עני ואביון ובלילה יהי כגנב׃

חתר בחשך בתים יומם חתמו למו לא ידעו אור׃

יש מפזר ונוסף עוד וחושך מישר אך למחסור׃

מנע בר יקבהו לאום וברכה לראש משביר׃

כה אמר יהוה על שלשה פשעי ישראל ועל ארבעה לא אשיבנו על מכרם בכסף צדיק ואביון בעבור נעלים׃

השאפים על עפר ארץ בראש דלים ודרך ענוים יטו ואיש ואביו ילכו אל הנערה למען חלל את שם קדשי׃

לקנות בכסף דלים ואביון בעבור נעלים ומפל בר נשביר׃

ואמר שמעו נא ראשי יעקב וקציני בית ישראל הלוא לכם לדעת את המשפט׃

ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת׃

אוי לכם הסופרים והפרושים החנפים כי בלעים אתם את בתי האלמנות ומאריכים בתפלה למראה עין תחת זאת משפט על יתר תקחו׃

זאת העבודה הטהורה והברה לפני האלהים אבינו לבקר את היתומים והאלמנות בלחצם ולשמר את עצמו נקי מחלאת העולם׃