לכן ישלח האדון יהוה צבאות במשמניו רזון ותחת כבדו יקד יקד כיקוד אש׃

וכבוד יערו וכרמלו מנפש ועד בשר יכלה והיה כמסס נסס׃

כחרב בציון שאון זרים תכניע חרב בצל עב זמיר עריצים יענה׃

ומצרים אדם ולא אל וסוסיהם בשר ולא רוח ויהוה יטה ידו וכשל עוזר ונפל עזר ויחדו כלם יכליון׃

ונפל אשור בחרב לא איש וחרב לא אדם תאכלנו ונס לו מפני חרב ובחוריו למס יהיו׃

ויצא מלאך יהוה ויכה במחנה אשור מאה ושמנים וחמשה אלף וישכימו בבקר והנה כלם פגרים מתים׃

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה׃

יהיו כתבן לפני רוח וכמץ גנבתו סופה׃

לא כן הרשעים כי אם כמץ אשר תדפנו רוח׃

יהיו כמץ לפני רוח ומלאך יהוה דוחה׃

לכן יהיה לכם העון הזה כפרץ נפל נבעה בחומה נשגבה אשר פתאם לפתע יבוא שברה׃

אלהים בקרבה בל תמוט יעזרה אלהים לפנות בקר׃

המו גוים מטו ממלכות נתן בקולו תמוג ארץ׃

אשתוללו אבירי לב נמו שנתם ולא מצאו כל אנשי חיל ידיהם׃

מגערתך אלהי יעקב נרדם ורכב וסוס׃

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט׃