כי צו לצו צו לצו קו לקו קו לקו זעיר שם זעיר שם׃

ומשא יהוה לא תזכרו עוד כי המשא יהיה לאיש דברו והפכתם את דברי אלהים חיים יהוה צבאות אלהינו׃

ואם משא יהוה תאמרו לכן כה אמר יהוה יען אמרכם את הדבר הזה משא יהוה ואשלח אליכם לאמר לא תאמרו משא יהוה׃

על כן חצבתי בנביאים הרגתים באמרי פי ומשפטיך אור יצא׃

אכתוב לו רבו תורתי כמו זר נחשבו׃

ויאמר לך ואמרת לעם הזה שמעו שמוע ואל תבינו וראו ראו ואל תדעו׃

השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

וכשלו בם רבים ונפלו ונשברו ונוקשו ונלכדו׃

יהי שלחנם לפניהם לפח ולשלומים למוקש׃

ותקים בהם נבואת ישעיהו האמרת שמעו שמוע ואל תבינו וראו ראו ואל תדעו׃

והנפל על האבן ההיא ישבר ואשר תפל עליו תשחקהו׃

ודוד הוא אמר יהי שלחנם לפח ולרשת ולמוקש ולשלומים להם׃

לאלה ריח מות למות ולאלה ריח חיים לחיים ומי זה ראוי לכך׃

לכן לכם המאמינים היקר אבל לסוררים האבן אשר מאסו הבונים היתה לראש פנה ולאבן נגף ולצור מכשל׃

והם נכשלו יען לא שמעו לדבר ולזאת גם נועדו׃

וכן בכל אגרותיו בדברו שם על אלה ובהם יש דברים קשי ההבנה והבערים והפתאים יהפכו אתם כאשר גם יעשו לכתבים האחרים לאבדן נפשם׃