Esaïe 2:11
עיני גבהות אדם שפל ושח רום אנשים ונשגב יהוה לבדו ביום ההוא׃
Esaïe 2:20
ביום ההוא ישליך האדם את אלילי כספו ואת אלילי זהבו אשר עשו לו להשתחות לחפר פרות ולעטלפים׃
Esaïe 12:1
ואמרת ביום ההוא אודך יהוה כי אנפת בי ישב אפך ותנחמני׃
Esaïe 24:21-23
21
והיה ביום ההוא יפקד יהוה על צבא המרום במרום ועל מלכי האדמה על האדמה׃
22
ואספו אספה אסיר על בור וסגרו על מסגר ומרב ימים יפקדו׃
23
וחפרה הלבנה ובושה החמה כי מלך יהוה צבאות בהר ציון ובירושלם ונגד זקניו כבוד׃
Esaïe 25:9
ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃
Esaïe 5:1
אשירה נא לידידי שירת דודי לכרמו כרם היה לידידי בקרן בן שמן׃
Esaïe 27:1
ביום ההוא יפקד יהוה בחרבו הקשה והגדולה והחזקה על לויתן נחש ברח ועל לויתן נחש עקלתון והרג את התנין אשר בים׃
Esaïe 27:2
ביום ההוא כרם חמד ענו לה׃
Exode 15:2-21
2
עזי וזמרת יה ויהי לי לישועה זה אלי ואנוהו אלהי אבי וארממנהו׃
3
יהוה איש מלחמה יהוה שמו׃
4
מרכבת פרעה וחילו ירה בים ומבחר שלשיו טבעו בים סוף׃
5
תהמת יכסימו ירדו במצולת כמו אבן׃
6
ימינך יהוה נאדרי בכח ימינך יהוה תרעץ אויב׃
7
וברב גאונך תהרס קמיך תשלח חרנך יאכלמו כקש׃
8
וברוח אפיך נערמו מים נצבו כמו נד נזלים קפאו תהמת בלב ים׃
9
אמר אויב ארדף אשיג אחלק שלל תמלאמו נפשי אריק חרבי תורישמו ידי׃
10
נשפת ברוחך כסמו ים צללו כעופרת במים אדירים׃
11
מי כמכה באלם יהוה מי כמכה נאדר בקדש נורא תהלת עשה פלא׃
12
נטית ימינך תבלעמו ארץ׃
13
נחית בחסדך עם זו גאלת נהלת בעזך אל נוה קדשך׃
14
שמעו עמים ירגזון חיל אחז ישבי פלשת׃
15
אז נבהלו אלופי אדום אילי מואב יאחזמו רעד נמגו כל ישבי כנען׃
16
תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃
17
תבאמו ותטעמו בהר נחלתך מכון לשבתך פעלת יהוה מקדש אדני כוננו ידיך׃
18
יהוה ימלך לעלם ועד׃
19
כי בא סוס פרעה ברכבו ובפרשיו בים וישב יהוה עלהם את מי הים ובני ישראל הלכו ביבשה בתוך הים׃
20
ותקח מרים הנביאה אחות אהרן את התף בידה ותצאן כל הנשים אחריה בתפים ובמחלת׃
21
ותען להם מרים שירו ליהוה כי גאה גאה סוס ורכבו רמה בים׃
Nombres 21:17
אז ישיר ישראל את השירה הזאת עלי באר ענו לה׃
Juges 5:1-31
1
ותשר דבורה וברק בן אבינעם ביום ההוא לאמר׃
2
בפרע פרעות בישראל בהתנדב עם ברכו יהוה׃
3
שמעו מלכים האזינו רזנים אנכי ליהוה אנכי אשירה אזמר ליהוה אלהי ישראל׃
4
יהוה בצאתך משעיר בצעדך משדה אדום ארץ רעשה גם שמים נטפו גם עבים נטפו מים׃
5
הרים נזלו מפני יהוה זה סיני מפני יהוה אלהי ישראל׃
6
בימי שמגר בן ענת בימי יעל חדלו ארחות והלכי נתיבות ילכו ארחות עקלקלות׃
7
חדלו פרזון בישראל חדלו עד שקמתי דבורה שקמתי אם בישראל׃
8
יבחר אלהים חדשים אז לחם שערים מגן אם יראה ורמח בארבעים אלף בישראל׃
9
לבי לחוקקי ישראל המתנדבים בעם ברכו יהוה׃
10
רכבי אתנות צחרות ישבי על מדין והלכי על דרך שיחו׃
11
מקול מחצצים בין משאבים שם יתנו צדקות יהוה צדקת פרזנו בישראל אז ירדו לשערים עם יהוה׃
12
עורי עורי דבורה עורי עורי דברי שיר קום ברק ושבה שביך בן אבינעם׃
13
אז ירד שריד לאדירים עם יהוה ירד לי בגבורים׃
14
מני אפרים שרשם בעמלק אחריך בנימין בעממיך מני מכיר ירדו מחקקים ומזבולן משכים בשבט ספר׃
15
ושרי ביששכר עם דברה ויששכר כן ברק בעמק שלח ברגליו בפלגות ראובן גדלים חקקי לב׃
16
למה ישבת בין המשפתים לשמע שרקות עדרים לפלגות ראובן גדולים חקרי לב׃
17
גלעד בעבר הירדן שכן ודן למה יגור אניות אשר ישב לחוף ימים ועל מפרציו ישכון׃
18
זבלון עם חרף נפשו למות ונפתלי על מרומי שדה׃
19
באו מלכים נלחמו אז נלחמו מלכי כנען בתענך על מי מגדו בצע כסף לא לקחו׃
20
מן שמים נלחמו הכוכבים ממסלותם נלחמו עם סיסרא׃
21
נחל קישון גרפם נחל קדומים נחל קישון תדרכי נפשי עז׃
22
אז הלמו עקבי סוס מדהרות דהרות אביריו׃
23
אורו מרוז אמר מלאך יהוה ארו ארור ישביה כי לא באו לעזרת יהוה לעזרת יהוה בגבורים׃
24
תברך מנשים יעל אשת חבר הקיני מנשים באהל תברך׃
25
מים שאל חלב נתנה בספל אדירים הקריבה חמאה׃
26
ידה ליתד תשלחנה וימינה להלמות עמלים והלמה סיסרא מחקה ראשו ומחצה וחלפה רקתו׃
27
בין רגליה כרע נפל שכב בין רגליה כרע נפל באשר כרע שם נפל שדוד׃
28
בעד החלון נשקפה ותיבב אם סיסרא בעד האשנב מדוע בשש רכבו לבוא מדוע אחרו פעמי מרכבותיו׃
29
חכמות שרותיה תענינה אף היא תשיב אמריה לה׃
30
הלא ימצאו יחלקו שלל רחם רחמתים לראש גבר שלל צבעים לסיסרא שלל צבעים רקמה צבע רקמתים לצוארי שלל׃
31
כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה׃
2 Samuel 22:1-51
1
וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול׃
2
ויאמר יהוה סלעי ומצדתי ומפלטי לי׃
3
אלהי צורי אחסה בו מגני וקרן ישעי משגבי ומנוסי משעי מחמס תשעני׃
4
מהלל אקרא יהוה ומאיבי אושע׃
5
כי אפפני משברי מות נחלי בליעל יבעתני׃
6
חבלי שאול סבני קדמני מקשי מות׃
7
בצר לי אקרא יהוה ואל אלהי אקרא וישמע מהיכלו קולי ושועתי באזניו׃
8
ותגעש ותרעש הארץ מוסדות השמים ירגזו ויתגעשו כי חרה לו׃
9
עלה עשן באפו ואש מפיו תאכל גחלים בערו ממנו׃
10
ויט שמים וירד וערפל תחת רגליו׃
11
וירכב על כרוב ויעף וירא על כנפי רוח׃
12
וישת חשך סביבתיו סכות חשרת מים עבי שחקים׃
13
מנגה נגדו בערו גחלי אש׃
14
ירעם מן שמים יהוה ועליון יתן קולו׃
15
וישלח חצים ויפיצם ברק ויהמם׃
16
ויראו אפקי ים יגלו מסדות תבל בגערת יהוה מנשמת רוח אפו׃
17
ישלח ממרום יקחני ימשני ממים רבים׃
18
יצילני מאיבי עז משנאי כי אמצו ממני׃
19
יקדמני ביום אידי ויהי יהוה משען לי׃
20
ויצא למרחב אתי יחלצני כי חפץ בי׃
21
יגמלני יהוה כצדקתי כבר ידי ישיב לי׃
22
כי שמרתי דרכי יהוה ולא רשעתי מאלהי׃
23
כי כל משפטו לנגדי וחקתיו לא אסור ממנה׃
24
ואהיה תמים לו ואשתמרה מעוני׃
25
וישב יהוה לי כצדקתי כברי לנגד עיניו׃
26
עם חסיד תתחסד עם גבור תמים תתמם׃
27
עם נבר תתבר ועם עקש תתפל׃
28
ואת עם עני תושיע ועיניך על רמים תשפיל׃
29
כי אתה נירי יהוה ויהוה יגיה חשכי׃
30
כי בכה ארוץ גדוד באלהי אדלג שור׃
31
האל תמים דרכו אמרת יהוה צרופה מגן הוא לכל החסים בו׃
32
כי מי אל מבלעדי יהוה ומי צור מבלעדי אלהינו׃
33
האל מעוזי חיל ויתר תמים דרכו׃
34
משוה רגליו כאילות ועל במותי יעמדני׃
35
מלמד ידי למלחמה ונחת קשת נחושה זרעתי׃
36
ותתן לי מגן ישעך וענתך תרבני׃
37
תרחיב צעדי תחתני ולא מעדו קרסלי׃
38
ארדפה איבי ואשמידם ולא אשוב עד כלותם׃
39
ואכלם ואמחצם ולא יקומון ויפלו תחת רגלי׃
40
ותזרני חיל למלחמה תכריע קמי תחתני׃
41
ואיבי תתה לי ערף משנאי ואצמיתם׃
42
ישעו ואין משיע אל יהוה ולא ענם׃
43
ואשחקם כעפר ארץ כטיט חוצות אדקם ארקעם׃
44
ותפלטני מריבי עמי תשמרני לראש גוים עם לא ידעתי יעבדני׃
45
בני נכר יתכחשו לי לשמוע אזן ישמעו לי׃
46
בני נכר יבלו ויחגרו ממסגרותם׃
47
חי יהוה וברוך צורי וירם אלהי צור ישעי׃
48
האל הנתן נקמת לי ומוריד עמים תחתני׃
49
ומוציאי מאיבי ומקמי תרוממני מאיש חמסים תצילני׃
50
על כן אודך יהוה בגוים ולשמך אזמר׃
51
מגדיל ישועות מלכו ועשה חסד למשיחו לדוד ולזרעו עד עולם׃
Jérémie 33:11
קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃
Ephésiens 5:19
ושיחו איש לרעהו בתהלות ותשבחות ושירות רוחניות שירו וזמרו לאדני בלבבכם׃
Ephésiens 5:20
והודו בכל עת על הכל לאלהים אבינו בשם אדנינו ישוע המשיח׃
Apocalypse 19:1-7
1
אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו׃
2
כי אמת וישר משפטיו כי שפט את הזונה הגדולה אשר השחיתה את הארץ בתזנתה וידרש מידה טאת דם עבדיו׃
3
וישנו ויאמרו הללויה ועשנה יעלה לעולמי עולמים׃
4
ועשרים וארבעה הזקנים וארבע החיות נפלו על פניהם וישתחוו לאלהים הישב על הכסא ויאמרו אמן הללויה׃
5
וקול יוצא מן הכסא ויאמר הללו את אלהינו כל עבדיו ויראיו הקטנים עם הגדולים׃
6
ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃
7
נשמחה ונגילה ונתנה לו הכבוד כי באה חתנת השה ואשתו התקדשה׃
Esdras 3:11
ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה׃
Psaumes 137:3
כי שם שאלונו שובינו דברי שיר ותוללינו שמחה שירו לנו משיר ציון׃
Psaumes 137:4
איך נשיר את שיר יהוה על אדמת נכר׃
Esaïe 60:18
לא ישמע עוד חמס בארצך שד ושבר בגבוליך וקראת ישועה חומתיך ושעריך תהלה׃
Esaïe 62:11
הנה יהוה השמיע אל קצה הארץ אמרו לבת ציון הנה ישעך בא הנה שכרו אתו ופעלתו לפניו׃
Psaumes 31:21
ברוך יהוה כי הפליא חסדו לי בעיר מצור׃
Psaumes 48:12
סבו ציון והקיפוה ספרו מגדליה׃
Zacharie 2:5
ואני אהיה לה נאם יהוה חומת אש סביב ולכבוד אהיה בתוכה׃
Matthieu 16:18
ואף אני אמר אליך כי אתה פטרוס ועל הסלע הזה אבנה את קהלתי ושערי שאול לא יגברו עליה׃
Apocalypse 21:12-22
12
ויש לה חומה גדולה וגבהה ושנים עשר שערים לה ועל השערים שנים עשר מלאכים ושמות כתובים עליהם אשר הם שמות שנים עשר שבטי בני ישראל׃
13
שערים שלשה ממזרח שערים שלשה מצפון שערים שלשה מנגב ושערים שלשה ממערב׃
14
ולחומת העיר שנים עשר מוסדות ועליהם שנים עשר שמות לשנים עשר שליחי השה׃
15
וביד המדבר אלי היה קנה זהב למד בו את העיר ואת שעריה ואת חומתה׃
16
ומושב העיר מרבע וארכה כרחבה וימד את העיר בקנה המדה שנים עשר אלף ריס ארכה ורחבה וקומתה שוים המה׃
17
וימד את חומתה על מאה וארבעים וארבע אמות במדת איש אשר היא מדת המלאך׃
18
ובנין חומתה אבן ישפה והעיר זהב מופז דומה לזכוכית זכה׃
19
ומוסדות חומת העיר מרבצות בכל אבני חפץ המוסד הראשון ישפה השני ספיר השלישי שבו הרביעי ברקת׃
20
החמישי יהלם הששי אדם השביעי תרשיש השמיני שהם התשיעי פטדה העשירי נפך אחד העשר לשם שנים העשר אחלמה׃
21
ושנים עשר השערים הם שתים עשרה מרגליות כל שער ושער מרגלית אחת ורחוב העיר זהב מופז כזכוכית בהירה׃
22
והיכל לא ראיתי בה כי יהוה אלהים צבאות היכלה הוא והשה׃