וכבוד יערו וכרמלו מנפש ועד בשר יכלה והיה כמסס נסס׃

ושאר עץ יערו מספר יהיו ונער יכתבם׃

והיה ביום ההוא ידל כבוד יעקב ומשמן בשרו ירזה׃

והיה כאסף קציר קמה וזרעו שבלים יקצור והיה כמלקט שבלים בעמק רפאים׃

וימעטו וישחו מעצר רעה ויגון׃

ואם תמאנו ומריתם חרב תאכלו כי פי יהוה דבר׃

לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃

וזאת לכם האות נאם יהוה כי פקד אני עליכם במקום הזה למען תדעו כי קום יקומו דברי עליכם לרעה׃

אך דברי וחקי אשר צויתי את עבדי הנביאים הלוא השיגו אבתיכם וישובו ויאמרו כאשר זמם יהוה צבאות לעשות לנו כדרכינו וכמעללינו כן עשה אתנו׃

השמים והארץ יעברו ודברי לא יעברון׃