עיני גבהות אדם שפל ושח רום אנשים ונשגב יהוה לבדו ביום ההוא׃

ופקדתי על תבל רעה ועל רשעים עונם והשבתי גאון זדים וגאות עריצים אשפיל׃

שמענו גאון מואב גאה מאד גבהו וגאונו וגאותו ורם לבו׃

אני ידעתי נאם יהוה עברתו ולא כן בדיו לא כן עשו׃

בן אדם אמר לנגיד צר כה אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא אל ותתן לבך כלב אלהים׃

בחכמתך ובתבונתך עשית לך חיל ותעש זהב וכסף באוצרותיך׃

לכן כה אמר אדני יהוה יען תתך את לבבך כלב אלהים׃