ההלכים לרדת מצרים ופי לא שאלו לעוז במעוז פרעה ולחסות בצל מצרים׃

כי היו בצען שריו ומלאכיו חנס יגיעו׃

ביום ההוא יצאו מלאכים מלפני בצים להחריד את כוש בטח והיתה חלחלה בהם ביום מצרים כי הנה באה׃

וכוש ילד את נמרד הוא החל להיות גבר בארץ׃

הוא היה גבר ציד לפני יהוה על כן יאמר כנמרד גבור ציד לפני יהוה׃

ויהי בשנה החמישית למלך רחבעם עלה שישק מלך מצרים על ירושלם כי מעלו ביהוה׃

וילכד את ערי המצרות אשר ליהודה ויבא עד ירושלם׃

ויצא אליהם זרח הכושי בחיל אלף אלפים ומרכבות שלש מאות ויבא עד מרשה׃

הלא הכושים והלובים היו לחיל לרב לרכב ולפרשים להרבה מאד ובהשענך על יהוה נתנם בידך׃

ונשתו מים מהים ונהר יחרב ויבש׃

ערות על יאור על פי יאור וכל מזרע יאור ייבש נדף ואיננו׃