עיני גבהות אדם שפל ושח רום אנשים ונשגב יהוה לבדו ביום ההוא׃

השכירהו כי על יהוה הגדיל וספק מואב בקיאו והיה לשחק גם הוא׃

שמענו גאון מואב גאה מאד גבהו וגאונו וגאותו ורם לבו׃

אני ידעתי נאם יהוה עברתו ולא כן בדיו לא כן עשו׃

ונשמד מואב מעם כי על יהוה הגדיל׃

כה אמר יהוה על שלשה פשעי מואב ועל ארבעה לא אשיבנו על שרפו עצמות מלך אדום לשיד׃

זדון לבך השיאך שכני בחגוי סלע מרום שבתו אמר בלבו מי יורדני ארץ׃

אם תגביה כנשר ואם בין כוכבים שים קנך משם אורידך נאם יהוה׃

לכן חי אני נאם יהוה צבאות אלהי ישראל כי מואב כסדם תהיה ובני עמון כעמרה ממשק חרול ומכרה מלח ושממה עד עולם שארית עמי יבזום ויתר גוי ינחלום׃

זאת להם תחת גאונם כי חרפו ויגדלו על עם יהוה צבאות׃

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן׃

כי אמרתם כרתנו ברית את מות ועם שאול עשינו חזה שיט שוטף כי עבר לא יבואנו כי שמנו כזב מחסנו ובשקר נסתרנו׃

וכפר בריתכם את מות וחזותכם את שאול לא תקום שוט שוטף כי יעבר והייתם לו למרמס׃

מפר אתות בדים וקסמים יהולל משיב חכמים אחור ודעתם ישכל׃

חרב אל הבדים ונאלו חרב אל גבוריה וחתו׃