אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

ותען להם מרים שירו ליהוה כי גאה גאה סוס ורכבו רמה בים׃

ממלכות הארץ שירו לאלהים זמרו אדני סלה׃

תנו עז לאלהים על ישראל גאותו ועזו בשחקים׃

מזמור שירו ליהוה שיר חדש כי נפלאות עשה הושיעה לו ימינו וזרוע קדשו׃

שירו לו זמרו לו שיחו בכל נפלאותיו׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו׃

וישנו ויאמרו הללויה ועשנה יעלה לעולמי עולמים׃

על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃

וברוך שם כבודו לעולם וימלא כבודו את כל הארץ אמן ואמן׃

כי תמלא הארץ לדעת את כבוד יהוה כמים יכסו על ים׃

והמלאך השביעי תקע בשופר ויהי קלות גדולים בשמים ויאמרו הנה ממלכת העולם היתה לאדיניו ולמשיחו והוא ימלך לעולמי עולמים׃

ויאמרו מודים אנחנו לך יהוה אלהים צבאות ההוה והיה ויבוא כי לבשת עזך הגדול ותמלך׃