Esaïe 2:11
עיני גבהות אדם שפל ושח רום אנשים ונשגב יהוה לבדו ביום ההוא׃
Esaïe 11:10
והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד׃
Esaïe 11:11
והיה ביום ההוא יוסיף אדני שנית ידו לקנות את שאר עמו אשר ישאר מאשור וממצרים ומפתרוס ומכוש ומעילם ומשנער ומחמת ומאיי הים׃
Esaïe 11:16
והיתה מסלה לשאר עמו אשר ישאר מאשור כאשר היתה לישראל ביום עלתו מארץ מצרים׃
Esaïe 14:3
והיה ביום הניח יהוה לך מעצבך ומרגזך ומן העבדה הקשה אשר עבד בך׃
Esaïe 26:1
ביום ההוא יושר השיר הזה בארץ יהודה עיר עז לנו ישועה ישית חומות וחל׃
Esaïe 27:1-3
1
ביום ההוא יפקד יהוה בחרבו הקשה והגדולה והחזקה על לויתן נחש ברח ועל לויתן נחש עקלתון והרג את התנין אשר בים׃
2
ביום ההוא כרם חמד ענו לה׃
3
אני יהוה נצרה לרגעים אשקנה פן יפקד עליה לילה ויום אצרנה׃
Esaïe 27:12-3
Esaïe 27:13-3
Esaïe 35:10
ופדויי יהוה ישבון ובאו ציון ברנה ושמחת עולם על ראשם ששון ושמחה ישיגו ונסו יגון ואנחה׃
Zacharie 14:9
והיה יהוה למלך על כל הארץ ביום ההוא יהיה יהוה אחד ושמו אחד׃
Zacharie 14:20
ביום ההוא יהיה על מצלות הסוס קדש ליהוה והיה הסירות בבית יהוה כמזרקים לפני המזבח׃
Esaïe 25:1
יהוה אלהי אתה ארוממך אודה שמך כי עשית פלא עצות מרחוק אמונה אמן׃
Esaïe 25:9
ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃
Esaïe 49:13
רנו שמים וגילי ארץ יפצחו הרים רנה כי נחם יהוה עמו ועניו ירחם׃
Esaïe 60:18
לא ישמע עוד חמס בארצך שד ושבר בגבוליך וקראת ישועה חומתיך ושעריך תהלה׃
Esaïe 60:19
לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃
Psaumes 34:1-22
1
לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃
2
ביהוה תתהלל נפשי ישמעו ענוים וישמחו׃
3
גדלו ליהוה אתי ונרוממה שמו יחדו׃
4
דרשתי את יהוה וענני ומכל מגורותי הצילני׃
5
הביטו אליו ונהרו ופניהם אל יחפרו׃
6
זה עני קרא ויהוה שמע ומכל צרותיו הושיעו׃
7
חנה מלאך יהוה סביב ליראיו ויחלצם׃
8
טעמו וראו כי טוב יהוה אשרי הגבר יחסה בו׃
9
יראו את יהוה קדשיו כי אין מחסור ליראיו׃
10
כפירים רשו ורעבו ודרשי יהוה לא יחסרו כל טוב׃
11
לכו בנים שמעו לי יראת יהוה אלמדכם׃
12
מי האיש החפץ חיים אהב ימים לראות טוב׃
13
נצר לשונך מרע ושפתיך מדבר מרמה׃
14
סור מרע ועשה טוב בקש שלום ורדפהו׃
15
עיני יהוה אל צדיקים ואזניו אל שועתם׃
16
פני יהוה בעשי רע להכרית מארץ זכרם׃
17
צעקו ויהוה שמע ומכל צרותם הצילם׃
18
קרוב יהוה לנשברי לב ואת דכאי רוח יושיע׃
19
רבות רעות צדיק ומכלם יצילנו יהוה׃
20
שמר כל עצמותיו אחת מהנה לא נשברה׃
21
תמותת רשע רעה ושנאי צדיק יאשמו׃
22
פודה יהוה נפש עבדיו ולא יאשמו כל החסים בו׃
Psaumes 67:1-4
1
למנצח בנגינת מזמור שיר אלהים יחננו ויברכנו יאר פניו אתנו סלה׃
2
לדעת בארץ דרכך בכל גוים ישועתך׃
3
יודוך עמים אלהים יודוך עמים כלם׃
4
ישמחו וירננו לאמים כי תשפט עמים מישור ולאמים בארץ תנחם סלה׃
Psaumes 69:34-36
34
יהללוהו שמים וארץ ימים וכל רמש בם׃
35
כי אלהים יושיע ציון ויבנה ערי יהודה וישבו שם וירשוה׃
36
וזרע עבדיו ינחלוה ואהבי שמו ישכנו בה׃
Psaumes 72:15-19
15
ויחי ויתן לו מזהב שבא ויתפלל בעדו תמיד כל היום יברכנהו׃
16
יהי פסת בר בארץ בראש הרים ירעש כלבנון פריו ויציצו מעיר כעשב הארץ׃
17
יהי שמו לעולם לפני שמש ינין שמו ויתברכו בו כל גוים יאשרוהו׃
18
ברוך יהוה אלהים אלהי ישראל עשה נפלאות לבדו׃
19
וברוך שם כבודו לעולם וימלא כבודו את כל הארץ אמן ואמן׃
Psaumes 149:6-9
6
רוממות אל בגרונם וחרב פיפיות בידם׃
7
לעשות נקמה בגוים תוכחת בל אמים׃
8
לאסר מלכיהם בזקים ונכבדיהם בכבלי ברזל׃
9
לעשות בהם משפט כתוב הדר הוא לכל חסידיו הללו יה׃
Romains 11:15
כי אם געילתם רצוי לעולם מה אפוא תהיה אספתם הלא חיים מן המתים׃
Apocalypse 15:3
וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃
Apocalypse 15:4
מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃
Apocalypse 19:1-7
1
אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו׃
2
כי אמת וישר משפטיו כי שפט את הזונה הגדולה אשר השחיתה את הארץ בתזנתה וידרש מידה טאת דם עבדיו׃
3
וישנו ויאמרו הללויה ועשנה יעלה לעולמי עולמים׃
4
ועשרים וארבעה הזקנים וארבע החיות נפלו על פניהם וישתחוו לאלהים הישב על הכסא ויאמרו אמן הללויה׃
5
וקול יוצא מן הכסא ויאמר הללו את אלהינו כל עבדיו ויראיו הקטנים עם הגדולים׃
6
ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃
7
נשמחה ונגילה ונתנה לו הכבוד כי באה חתנת השה ואשתו התקדשה׃
Esaïe 10:4
בלתי כרע תחת אסיר ותחת הרוגים יפלו בכל זאת לא שב אפו ועוד ידו נטויה׃
Esaïe 10:25
כי עוד מעט מזער וכלה זעם ואפי על תבליתם׃
Esaïe 40:1
נחמו נחמו עמי יאמר אלהיכם׃
Esaïe 40:2
דברו על לב ירושלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃
Esaïe 51:3
כי נחם יהוה ציון נחם כל חרבתיה וישם מדברה כעדן וערבתה כגן יהוה ששון ושמחה ימצא בה תודה וקול זמרה׃
Esaïe 54:8
בשצף קצף הסתרתי פני רגע ממך ובחסד עולם רחמתיך אמר גאלך יהוה׃
Esaïe 57:15-18
15
כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃
16
כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃
17
בעון בצעו קצפתי ואכהו הסתר ואקצף וילך שובב בדרך לבו׃
18
דרכיו ראיתי וארפאהו ואנחהו ואשלם נחמים לו ולאבליו׃
Esaïe 66:13
כאיש אשר אמו תנחמנו כן אנכי אנחמכם ובירושלם תנחמו׃
Deutéronome 30:1-3
1
והיה כי יבאו עליך כל הדברים האלה הברכה והקללה אשר נתתי לפניך והשבת אל לבבך בכל הגוים אשר הדיחך יהוה אלהיך שמה׃
2
ושבת עד יהוה אלהיך ושמעת בקלו ככל אשר אנכי מצוך היום אתה ובניך בכל לבבך ובכל נפשך׃
3
ושב יהוה אלהיך את שבותך ורחמך ושב וקבצך מכל העמים אשר הפיצך יהוה אלהיך שמה׃
Psaumes 30:5
כי רגע באפו חיים ברצונו בערב ילין בכי ולבקר רנה׃
Psaumes 85:1-3
1
למנצח לבני קרח מזמור רצית יהוה ארצך שבת שבות יעקב׃
2
נשאת עון עמך כסית כל חטאתם סלה׃
3
אספת כל עברתך השיבות מחרון אפך׃
Jérémie 31:18-20
18
שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃
19
כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי׃
20
הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃
Ezechiel 39:24-29
24
כטמאתם וכפשעיהם עשיתי אתם ואסתר פני מהם׃
25
לכן כה אמר אדני יהוה עתה אשיב את שבית יעקב ורחמתי כל בית ישראל וקנאתי לשם קדשי׃
26
ונשו את כלמתם ואת כל מעלם אשר מעלו בי בשבתם על אדמתם לבטח ואין מחריד׃
27
בשובבי אותם מן העמים וקבצתי אתם מארצות איביהם ונקדשתי בם לעיני הגוים רבים׃
28
וידעו כי אני יהוה אלהיהם בהגלותי אתם אל הגוים וכנסתים על אדמתם ולא אותיר עוד מהם שם׃
29
ולא אסתיר עוד פני מהם אשר שפכתי את רוחי על בית ישראל נאם אדני יהוה׃
Osée 6:1
לכו ונשובה אל יהוה כי הוא טרף וירפאנו יך ויחבשנו׃
Osée 11:8
איך אתנך אפרים אמגנך ישראל איך אתנך כאדמה אשימך כצבאים נהפך עלי לבי יחד נכמרו נחומי׃
Osée 14:4-9
4
ארפא משובתם אהבם נדבה כי שב אפי ממנו׃
5
אהיה כטל לישראל יפרח כשושנה ויך שרשיו כלבנון׃
6
ילכו ינקותיו ויהי כזית הודו וריח לו כלבנון׃
7
ישבו ישבי בצלו יחיו דגן ויפרחו כגפן זכרו כיין לבנון׃
8
אפרים מה לי עוד לעצבים אני עניתי ואשורנו אני כברוש רענן ממני פריך נמצא׃
9
מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם׃