הן לצדק ימלך מלך ולשרים למשפט ישרו׃

וימלך דוד על כל ישראל ויהי דוד עשה משפט וצדקה לכל עמו׃

רוח יהוה דבר בי ומלתו על לשוני׃

וכאור בקר יזרח שמש בקר לא עבות מנגה ממטר דשא מארץ׃

אשרי אנשיך אשרי עבדיך אלה העמדים לפניך תמיד השמעים את חכמתך׃

יהי יהוה אלהיך ברוך אשר חפץ בך לתתך על כסא ישראל באהבת יהוה את ישראל לעלם וישימך למלך לעשות משפט וצדקה׃

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

לשלמה אלהים משפטיך למלך תן וצדקתך לבן מלך׃

ישאו הרים שלום לעם וגבעות בצדקה׃

כי יציל אביון משוע ועני ואין עזר לו׃

מתוך ומחמס יגאל נפשם וייקר דמם בעיניו׃

עד מתי תשפטו עול ופני רשעים תשאו סלה׃

פלטו דל ואביון מיד רשעים הצילו׃

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃

בימיו תושע יהודה וישראל ישכן לבטח וזה שמו אשר יקראו יהוה צדקנו׃

בימים ההם ובעת ההיא אצמיח לדוד צמח צדקה ועשה משפט וצדקה בארץ׃

עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם׃

וארא את השמים נפתחים והנה סוס לבן והרכב עליו נקרא נאמן ואמתי ובצדק הוא שפט ולחם׃

למדו היטב דרשו משפט אשרו חמוץ שפטו יתום ריבו אלמנה׃

פתח פיך לאלם אל דין כל בני חלוף׃

פתח פיך שפט צדק ודין עני ואביון׃

שמנו עשתו גם עברו דברי רע דין לא דנו דין יתום ויצליחו ומשפט אביונים לא שפטו׃

ויספו ענוים ביהוה שמחה ואביוני אדם בקדוש ישראל יגילו׃

רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃

בקשו את יהוה כל ענוי הארץ אשר משפטו פעלו בקשו צדק בקשו ענוה אולי תסתרו ביום אף יהוה׃

אשרי הענוים כי המה יירשו הארץ׃

ואני פולוס הנני מזהיר אתכם בענות המשיח וחמלתו אשר פנים בפנים שפל אני בתוככם וברחקי מתאמץ עליכון׃

וענוה ופרישות אין תורה לנגד עשי אלה׃

ולבלתי גדף אדם ולחדל מריב ולהכריע לכף זכות ולהתנהג בכל ענוה לפני כל אדם׃

מי בכם חכם ונבון יראה בדרכו הטובה את מעשיו בענות החכמה׃

מנשמת אלוה יאבדו ומרוח אפו יכלו׃

תרעם בשבט ברזל ככלי יוצר תנפצם׃

מטה עזך ישלח יהוה מציון רדה בקרב איביך׃

והשיב לב אבות על בנים ולב בנים על אבותם פן אבוא והכיתי את הארץ חרם׃

ואז יגלה הרשע אשר ימיתנו האדון ברוח שפתיו וישביתנו בהופעת ביאתו׃

ויהי לו ביד ימינו שבעה כוכבים ומפיו יוצאת חרב פיפיות חדה ופניו כשמש המאיר בגבורתו׃

שובה ואם לא כי עתה אבוא עליך מהרה ונלחמתי בם בחרב פי׃

ומפיו יצאת חרב חדה להכות בה את הגוים והוא ירעם בשבט ברזל והוא דרך פורת יין חמת אף אלהי הצבאות׃

כי ערוך מאתמול תפתה גם הוא למלך הוכן העמיק הרחב מדרתה אש ועצים הרבה נשמת יהוה כנחל גפרית בערה בה׃

עלה עשן באפו ואש מפיו תאכל גחלים בערו ממנו׃

ושאול עודנו יפח זעם ורצח על תלמידי האדון ויבא אל הכהן הגדול׃