והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד׃

כל ישבי תבל ושכני ארץ כנשא נס הרים תראו וכתקע שופר תשמעו׃

וייראו ממערב את שם יהוה וממזרח שמש את כבודו כי יבוא כנהר צר רוח יהוה נססה בו׃

עברו עברו בשערים פנו דרך העם סלו סלו המסלה סקלו מאבן הרימו נס על העמים׃

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃

והיה ביום ההוא יתקע בשופר גדול ובאו האבדים בארץ אשור והנדחים בארץ מצרים והשתחוו ליהוה בהר הקדש בירושלם׃

אמר לצפון תני ולתימן אל תכלאי הביאי בני מרחוק ובנותי מקצה הארץ׃

ושמתי כל הרי לדרך ומסלתי ירמון׃

הנה אלה מרחוק יבאו והנה אלה מצפון ומים ואלה מארץ סינים׃

נאם אדני יהוה מקבץ נדחי ישראל עוד אקבץ עליו לנקבציו׃

אמרתי אפאיהם אשביתה מאנוש זכרם׃

אמר אדני מבשן אשיב אשיב ממצלות ים׃

בונה ירושלם יהוה נדחי ישראל יכנס׃

מעבר לנהרי כוש עתרי בת פוצי יובלון מנחתי׃

ויאמרו היהודים איש רעהו אנה ילך זה ואנחנו לא נמצאהו הכי ילך אל הנפוצים בין היונים וילמד אנשי יון׃

יעקב עבד אלהים ואדנינו ישוע המשיח שאל לשלום שנים עשר השבטים הנפוצים׃