1 Samuel 13:23
ויצא מצב פלשתים אל מעבר מכמש׃
1 Samuel 14:4
ובין המעברות אשר בקש יונתן לעבר על מצב פלשתים שן הסלע מהעבר מזה ושן הסלע מהעבר מזה ושם האחד בוצץ ושם האחד סנה׃
Josué 21:17
וממטה בנימן את גבעון ואת מגרשה את גבע ואת מגרשה׃
1 Rois 15:23
ויתר כל דברי אסא וכל גבורתו וכל אשר עשה והערים אשר בנה הלא המה כתובים על ספר דברי הימים למלכי יהודה רק לעת זקנתו חלה את רגליו׃
Josué 18:24
וכפר העמני והעפני וגבע ערים שתים עשרה וחצריהן׃
Josué 18:25
גבעון והרמה ובארות׃
1 Samuel 7:17
ותשבתו הרמתה כי שם ביתו ושם שפט את ישראל ויבן שם מזבח ליהוה׃
1 Samuel 15:34
וילך שמואל הרמתה ושאול עלה אל ביתו גבעת שאול׃
Jérémie 31:15
כה אמר יהוה קול ברמה נשמע נהי בכי תמרורים רחל מבכה על בניה מאנה להנחם על בניה כי איננו׃
Osée 5:8
תקעו שופר בגבעה חצצרה ברמה הריעו בית און אחריך בנימין׃
Juges 19:12-15
12
ויאמר אליו אדניו לא נסור אל עיר נכרי אשר לא מבני ישראל הנה ועברנו עד גבעה׃
13
ויאמר לנערו לך ונקרבה באחד המקמות ולנו בגבעה או ברמה׃
14
ויעברו וילכו ותבא להם השמש אצל הגבעה אשר לבנימן׃
15
ויסרו שם לבוא ללון בגבעה ויבא וישב ברחוב העיר ואין איש מאסף אותם הביתה ללון׃
1 Samuel 11:4
ויבאו המלאכים גבעת שאול וידברו הדברים באזני העם וישאו כל העם את קולם ויבכו׃
1 Samuel 13:2
ויבחר לו שאול שלשת אלפים מישראל ויהיו עם שאול אלפים במכמש ובהר בית אל ואלף היו עם יונתן בגבעת בנימין ויתר העם שלח איש לאהליו׃
Osée 9:9
העמיקו שחתו כימי הגבעה יזכור עונם יפקוד חטאתם׃
Osée 10:9
מימי הגבעה חטאת ישראל שם עמדו לא תשיגם בגבעה מלחמה על בני עלוה׃