דודי לי ואני לו הרעה בשושנים׃

אני לדודי ודודי לי הרעה בשושנים׃

כי בלילה הזה נצב עלי מלאך האלהים אשר לו אנכי ואשר אני עבד אתו׃

או הלא ידעתם כי גופכם הוא היכל רוח הקדש השכן בקרבכם אשר קבלתם מאת האלהים וכי לא לעצמכם אתם׃

כי במחיר נקניתם על כן כבדו את האלהים בגופכם וברוחכם אשר לאלהים המה׃

עם המשיח נצלבתי ואין עוד אנכי החי כי אם המשיח הוא חי בקרבי ואשר אני חי עתה בבשר אחיה באמונת בן אלהים אשר אהבני ויתן את נפשו בעדי׃

ראשך עליך ככרמל ודלת ראשך כארגמן מלך אסור ברהטים׃

מה יפית ומה נעמת אהבה בתענוגים׃

תקרא ואנכי אענך למעשה ידיך תכסף׃

ויתאו המלך יפיך כי הוא אדניך והשתחוי לו׃

רוצה יהוה את יראיו את המיחלים לחסדו׃

אבי חפצתי כי גם הם אשר נתתם לי יהיו עמי באשר אהיה אני למען יחזו את כבודי אשר נתת לי כי אהבתני לפני מוסדות עולם׃