אל גנת אגוז ירדתי לראות באבי הנחל לראות הפרחה הגפן הנצו הרמנים׃

נשכימה לכרמים נראה אם פרחה הגפן פתח הסמדר הנצו הרמונים שם אתן את דדי לך׃

אנהגך אביאך אל בית אמי תלמדני אשקך מיין הרקח מעסיס רמני׃

עוד ינובון בשיבה דשנים ורעננים יהיו׃

עשיתי לי גנות ופרדסים ונטעתי בהם עץ כל פרי׃

ועמך כלם צדיקים לעולם יירשו ארץ נצר מטעו מעשה ידי להתפאר׃

כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים׃

אנכי הגפן האמתית ואבי הוא הכרם׃

אתם כעת מטהרים בעבור דברי אשר דברתי אליכם׃

מלאים פרי הצדקה על ידי ישוע המשיח לכבוד אלהים ותהלתו׃

דודי ירד לגנו לערוגות הבשם לרעות בגנים וללקט שושנים׃

נרד וכרכם קנה וקנמון עם כל עצי לבונה מר ואהלות עם כל ראשי בשמים׃

אשכל הכפר דודי לי בכרמי עין גדי׃

עד שהמלך במסבו נרדי נתן ריחו׃

ויהי בהיותו בבית היני בית שמעון המצרע ויסב אל השלחן ותבא אשה ובידה פך שמן נרד זך ויקר מאד ותשבר את הפך ותצק על ראשו׃

ותקח מרים מרקחת נרד זך ויקר מאד לטרא אחת משקלה ותמשח בה את רגלי ישוע ותנגב את רגליו בשערותיה והבית ימלא ריח המרקחת׃