רגזו ואל תחטאו אמרו בלבבכם על משכבכם ודמו סלה׃

יגעתי באנחתי אשחה בכל לילה מטתי בדמעתי ערשי אמסה׃

אלהי אקרא יומם ולא תענה ולילה ולא דומיה לי׃

אם זכרתיך על יצועי באשמרות אהגה בך׃

דבקה נפשי אחריך בי תמכה ימינך׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

אחזת שמרות עיני נפעמתי ולא אדבר׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

הגידה לי שאהבה נפשי איכה תרעה איכה תרביץ בצהרים שלמה אהיה כעטיה על עדרי חבריך׃

השבעתי אתכם בנות ירושלם אם תמצאו את דודי מה תגידו לו שחולת אהבה אני׃

ויאמר אליו פעם שלישית שמעון בן יונה התאהב אתי ויתעצב פטרוס על כי אמר אליו בשלישית התאהב אתי ויאמר אליו אדני את כל אתה יודע וידעת כי אהבתיך ויאמר אליו ישוע רעה את צאני׃

אשר אהבתם ולא ראיתם ואשר עתה תאמינו בו בלא ראות אתו ובכן תגילו בשמחה מפארה עצמה מספר׃

פתחתי אני לדודי ודודי חמק עבר נפשי יצאה בדברו בקשתיהו ולא מצאתיהו קראתיו ולא ענני׃

הן קדם אהלך ואיננו ואחור ולא אבין לו׃

שמאול בעשתו ולא אחז יעטף ימין ולא אראה׃

שיר המעלות ממעמקים קראתיך יהוה׃

אדני שמעה בקולי תהיינה אזניך קשבות לקול תחנוני׃

דרשו יהוה בהמצאו קראהו בהיותו קרוב׃

ויאמר אליהם התאמצו לבוא בפתח הצר כי אמר אני לכם רבים יבקשו לבוא ולא יוכלו׃