חכו ממתקים וכלו מחמדים זה דודי וזה רעי בנות ירושלם׃

מי יתנך כאח לי יונק שדי אמי אמצאך בחוץ אשקך גם לא יבוזו לי׃

ויאמר אליו יצחק אביו גשה נא ושקה לי בני׃

ויגש וישק לו וירח את ריח בגדיו ויברכהו ויאמר ראה ריח בני כריח שדה אשר ברכו יהוה׃

וישק יעקב לרחל וישא את קלו ויבך׃

וינשק לכל אחיו ויבך עליהם ואחרי כן דברו אחיו אתו׃

נשקו בר פן יאנף ותאבדו דרך כי יבער כמעט אפו אשרי כל חוסי בו׃

ויקם ויבא אל אביו עודנו מרחוק ואביו ראהו ויהמו מעיו וירץ ויפל על צואריו וישקהו׃

ואנחנו כלינו את דרך הים ונרד מצור אל עכו ונשאל לשלום האחים ונשב אתם יום אחד׃

שאלו לשלום איש את רעהו בנשיקת אהבה שלום לכלכם אשר במשיח ישוע אמן׃

משכני אחריך נרוצה הביאני המלך חדריו נגילה ונשמחה בך נזכירה דדיך מיין מישרים אהבוך׃

הביאני אל בית היין ודגלו עלי אהבה׃

מה יפו דדיך אחתי כלה מה טבו דדיך מיין וריח שמניך מכל בשמים׃

מה יפית ומה נעמת אהבה בתענוגים׃

וחכך כיין הטוב הולך לדודי למישרים דובב שפתי ישנים׃

נשכימה לכרמים נראה אם פרחה הגפן פתח הסמדר הנצו הרמונים שם אתן את דדי לך׃

אנהגך אביאך אל בית אמי תלמדני אשקך מיין הרקח מעסיס רמני׃

מה יקר חסדך אלהים ובני אדם בצל כנפיך יחסיון׃

כי טוב חסדך מחיים שפתי ישבחונך׃

כמו חלב ודשן תשבע נפשי ושפתי רננות יהלל פי׃

ועשה יהוה צבאות לכל העמים בהר הזה משתה שמנים משתה שמרים שמנים ממחים שמרים מזקקים׃

הוי כל צמא לכו למים ואשר אין לו כסף לכו שברו ואכלו ולכו שברו בלוא כסף ובלוא מחיר יין וחלב׃

למה תשקלו כסף בלוא לחם ויגיעכם בלוא לשבעה שמעו שמוע אלי ואכלו טוב ותתענג בדשן נפשכם׃

ובאכלם ויקח ישוע את הלחם ויברך ויבצע ויתן לתלמידים ויאמר קחו ואכלו זה הוא גופי׃