שומר מצוה לא ידע דבר רע ועת ומשפט ידע לב חכם׃

כי איננו ידע מה שיהיה כי כאשר יהיה מי יגיד לו׃

לו ידעת אף את בעוד יומך הזה את דבר שלומך ועתה נעלם מעיניך׃

וסחבו אותך ואת בניך בקרבך ולא ישאירו בך אבן על אבן עקב כי לא ידעת את עת פקדתך׃

כי הוא אומר בעת רצון עניתיך וביום ישועה עזרתיך הנה עתה עת רצון הנה עתה יום ישועה׃

והיטיבו דרככם בגוים למען יביטו אל מעשיכם הטובים והיה תחת אשר חרפו אתכם כפעלי און יכבדו את האלהים ביום הפקדה׃

הולך אחריה פתאם כשור אל טבח יבוא וכעכס אל מוסר אויל׃

עד יפלח חץ כבדו כמהר צפור אל פח ולא ידע כי בנפשו הוא׃

ותעשה אדם כדגי הים כרמש לא משל בו׃

על כן יזבח לחרמו ויקטר למכמרתו כי בהמה שמן חלקו ומאכלו בראה׃

ויעירו ממוקשי השטן אשר צדם בהם לרצונו׃

כי שלח ברשת ברגליו ועל שבכה יתהלך׃

טמון בארץ חבלו ומלכדתו עלי נתיב׃

ימטר על רשעים פחים אש וגפרית ורוח זלעפות מנת כוסם׃

אך בחלקות תשית למו הפלתם למשואות׃

כחלום מהקיץ אדני בעיר צלמם תבזה׃

על כן פתאם יבוא אידו פתע ישבר ואין מרפא׃

בפשע איש רע מוקש וצדיק ירון ושמח׃

לכן יהיה לכם העון הזה כפרץ נפל נבעה בחומה נשגבה אשר פתאם לפתע יבוא שברה׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

וזאת דעו אשר אם ידע ידע בעל הבית באי זו שעה יבוא הגנב כי עתה שקד שקוד ולא יתן לחתר את ביתו׃

וכאשר היה נח כן יהיה בימי בן האדם׃

וכאשר היה בימי לוט אכל ושתה קנה ומכר נטע ובנה׃

ככה יהיה ביום אשר יגלה בן האדם׃

רק השמרו לכם פן יכבד לבבכם בסבא ובשכרון ובדאגות המחיה ובא עליכם היום ההוא פתאם׃

לכן שקדו בכל עת והתפללו למען תעצרו כח להמלט מכל העתידות האלה ולהתיצב לפני בן האדם׃

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט׃

והמה כבהמות הסכלות הנולדות כחק טבעם ללכד ולשחת יאבדו באבוד נפשם יען חרפו את אשר לא הבינו וישאו גמול עולתם׃