כי מי יודע מה טוב לאדם בחיים מספר ימי חיי הבלו ויעשם כצל אשר מי יגיד לאדם מה יהיה אחריו תחת השמש׃

כי גם לא ידע האדם את עתו כדגים שנאחזים במצודה רעה וכצפרים האחזות בפח כהם יוקשים בני האדם לעת רעה כשתפול עליהם פתאם׃

והסכל ירבה דברים לא ידע האדם מה שיהיה ואשר יהיה מאחריו מי יגיד לו׃

כי פתאם יקום אידם ופיד שניהם מי יודע׃

איש תוכחות מקשה ערף פתע ישבר ואין מרפא׃

לכן היו נכונים גם אתם כי בשעה אשר לא תדמו יבוא בן האדם׃

בוא יבוא אדני העבד ההוא ביום לא יצפה ובשעה לא ידע׃

ויהי בחצות הלילה ותהי צוחה הנה החתן צאינה לקראתו׃

ותאמרנה הכסילות אל החכמות תנה לנו משמנכן כי יכבו נרותינו׃

ויהי בעת לכתן לקנות ויבוא החתן והנכנות ללכת באו אתו אל החתנה ותסגר הדלת׃

ויען ויאמר אמן אמר אני לכן לא ידעתי אתכן׃

ועל דבר העתים והזמנים אין צרך לכתב אליכם אחי׃

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט׃