לכל זמן ועת לכל חפץ תחת השמים׃

את הכל עשה יפה בעתו גם את העלם נתן בלבם מבלי אשר לא ימצא האדם את המעשה אשר עשה האלהים מראש ועד סוף׃

אמרתי אני בלבי את הצדיק ואת הרשע ישפט האלהים כי עת לכל חפץ ועל כל המעשה שם׃

ראה את מעשה האלהים כי מי יוכל לתקן את אשר עותו׃

ביום טובה היה בטוב וביום רעה ראה גם את זה לעמת זה עשה האלהים על דברת שלא ימצא האדם אחריו מאומה׃

שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט׃

והסר כעס מלבך והעבר רעה מבשרך כי הילדות והשחרות הבל׃

וזכר את בוראיך בימי בחורתיך עד אשר לא יבאו ימי הרעה והגיעו שנים אשר תאמר אין לי בהם חפץ׃

אוי לרשע רע כי גמול ידיו יעשה לו׃

נצב לריב יהוה ועמד לדין עמים׃

ויקרא אדני יהוה צבאות ביום ההוא לבכי ולמספד ולקרחה ולחגר שק׃

ונגלה באזני יהוה צבאות אם יכפר העון הזה לכם עד תמתון אמר אדני יהוה צבאות׃

והיה מיום אשר יקום בעל הבית וסגר את הדלת ותחלו לעמד בחוץ ולדפק על הדלת לאמר אדנינו אדנינו פתח לנו וענה ואמר אליכם אינני יודע אתכם מאין אתם׃

וכאשר היה נח כן יהיה בימי בן האדם׃

וכאשר היה בימי לוט אכל ושתה קנה ומכר נטע ובנה׃

ככה יהיה ביום אשר יגלה בן האדם׃

לו ידעת אף את בעוד יומך הזה את דבר שלומך ועתה נעלם מעיניך׃

וסחבו אותך ואת בניך בקרבך ולא ישאירו בך אבן על אבן עקב כי לא ידעת את עת פקדתך׃

לכן כמאמר רוח הקדש היום אם בקלו תשמעו׃

אשר נסוני אבותיכם בחנוני גם ראו פעלי ארבעים שנה׃

אשר נשבעתי באפי אם יבאון אל מנוחתי׃