גם אור רשעים ידעך ולא יגה שביב אשו׃

כי רננת רשעים מקרוב ושמחת חנף עדי רגע׃

כי ליום איד יחשך רע ליום עברות יובלו׃

יהוה צדיק יבחן ורשע ואהב חמס שנאה נפשו׃

אין שלום אמר אלהי לרשעים׃

ושבתם וראיתם בין צדיק לרשע בין עבד אלהים לאשר לא עבדו׃

כן יהיה בקץ העולם יצאו המלאכים והבדילו את הרשעים מתוך הצדיקים׃

והשליכום אל תנור האש שם תהיה היללה וחרק השנים׃

ויצאו עשי הטוב לתקומת החיים ועשי הרע לתקומת המשפט׃

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃

לכן יהיה לכם העון הזה כפרץ נפל נבעה בחומה נשגבה אשר פתאם לפתע יבוא שברה׃

ובדברי בדוי יעשו אתכם למחסר להם למען בצע בצע אשר משפטם מעולם לא יתמהמה ושברם לא ינום׃

כי מי יודע מה טוב לאדם בחיים מספר ימי חיי הבלו ויעשם כצל אשר מי יגיד לאדם מה יהיה אחריו תחת השמש׃

ימי קלו מני ארג ויכלו באפס תקוה׃

זכר כי רוח חיי לא תשוב עיני לראות טוב׃

כציץ יצא וימל ויברח כצל ולא יעמוד׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

אדם להבל דמה ימיו כצל עובר׃

ולא תדעו מה ילד יום מחר כי מה חייכם עשן הם אשר נראה כמעט רגע ואחר כלה וילך׃