יש רעה חולה ראיתי תחת השמש עשר שמור לבעליו לרעתו׃

כי מה הוה לאדם בכל עמלו וברעיון לבו שהוא עמל תחת השמש׃

כי כל ימיו מכאבים וכעס ענינו גם בלילה לא שכב לבו גם זה הבל הוא׃

ולא תסורו כי אחרי התהו אשר לא יועילו ולא יצילו כי תהו המה׃

הכהנים לא אמרו איה יהוה ותפשי התורה לא ידעוני והרעים פשעו בי והנביאים נבאו בבעל ואחרי לא יועלו הלכו׃

כי מה יסכן לאדם כי יקנה את כל העולם ונשחתה נפשו׃

מה יתרון לאדם בכל עמלו שיעמל תחת השמש׃

עוכר ביתו ינחל רוח ועבד אויל לחכם לב׃

הרינו חלנו כמו ילדנו רוח ישועת בל נעשה ארץ ובל יפלו ישבי תבל׃

כי רוח יזרעו וסופתה יקצרו קמה אין לו צמח בלי יעשה קמח אולי יעשה זרים יבלעהו׃

אל תעמלו במאכל אשר יאבד כי אם במאכל הקים לחיי עולמים אשר בן האדם יתננו לכם כי בו חתם חותמו אביו האלהים׃