מי כהחכם ומי יודע פשר דבר חכמת אדם תאיר פניו ועז פניו ישנא׃

לב חכם לימינו ולב כסיל לשמאלו׃

וגם בדרך כשהסכל הלך לבו חסר ואמר לכל סכל הוא׃

חכמת ערום הבין דרכו ואולת כסילים מרמה׃

את פני מבין חכמה ועיני כסיל בקצה ארץ׃

והשנא את אחיו בחשך הוא ובחשך יתהלך ולא ידע אנה הוא הלך כי החשך עור את עיניו׃

כי את כל זה נתתי אל לבי ולבור את כל זה אשר הצדיקים והחכמים ועבדיהם ביד האלהים גם אהבה גם שנאה אין יודע האדם הכל לפניהם׃

זה רע בכל אשר נעשה תחת השמש כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

הנחמדים מזהב ומפז רב ומתוקים מדבש ונפת צופים׃

כי יראה חכמים ימותו יחד כסיל ובער יאבדו ועזבו לאחרים חילם׃