כי בא החלום ברב ענין וקול כסיל ברב דברים׃

ברב דברים לא יחדל פשע וחשך שפתיו משכיל׃

לשון חכמים תיטיב דעת ופי כסילים יביע אולת׃

כי יסיף על חטאתו פשע בינינו יספוק וירב אמריו לאל׃

ואיוב הבל יפצה פיהו בבלי דעת מלין יכבר׃

וראיתי כי אין טוב מאשר ישמח האדם במעשיו כי הוא חלקו כי מי יביאנו לראות במה שיהיה אחריו׃

כי מי יודע מה טוב לאדם בחיים מספר ימי חיי הבלו ויעשם כצל אשר מי יגיד לאדם מה יהיה אחריו תחת השמש׃

כי איננו ידע מה שיהיה כי כאשר יהיה מי יגיד לו׃

הוי האמרים נלכה היום ומחר לעיר פלונית אלמונית ונעשה שם שנה אחת לסחר בה ולהרבות רוח׃

ולא תדעו מה ילד יום מחר כי מה חייכם עשן הם אשר נראה כמעט רגע ואחר כלה וילך׃