בקש לץ חכמה ואין ודעת לנבון נקל׃

לב נבון יבקש דעת ופני כסילים ירעה אולת׃

ארח חיים למעלה למשכיל למען סור משאול מטה׃

את פני מבין חכמה ועיני כסיל בקצה ארץ׃

לתאוה יבקש נפרד בכל תושיה יתגלע׃

לא יחפץ כסיל בתבונה כי אם בהתגלות לבו׃

לב נבון יקנה דעת ואזן חכמים תבקש דעת׃

תורת יהוה תמימה משיבת נפש עדות יהוה נאמנה מחכימת פתי׃

פקודי יהוה ישרים משמחי לב מצות יהוה ברה מאירת עינים׃

מי זה האיש ירא יהוה יורנו בדרך יבחר׃

סוד יהוה ליראיו ובריתו להודיעם׃

מאיבי תחכמני מצותך כי לעולם היא לי׃

מזקנים אתבונן כי פקודיך נצרתי׃

והיה שם מסלול ודרך ודרך הקדש יקרא לה לא יעברנו טמא והוא למו הלך דרך ואוילים לא יתעו׃

האמור בית יעקב הקצר רוח יהוה אם אלה מעלליו הלוא דברי ייטיבו עם הישר הולך׃

ויען ויאמר כי לכם נתן לדעת את סודות מלכות השמים ולהם לא נתן׃

כי מי שיש לו נתן ינתן לו ויעדיף ומי שאין לו גם את אשר יש לו יקח ממנו׃

הלא כתוב בנביאים וכל בניך למודי יהוה לכן כל אשר שמע מן האב ולמד יבא אלי׃

האיש החפץ לעשות רצונו ידע לקחי אם מאת אלהים הוא ואם מנפשי אדבר׃

הן האדם הנפשי איננו מקבל את דברי רוח אלהים כי המה סכלות לו ולא יוכל להבינם באשר המה נדונים בדרך הרוח׃

אבל האדם הרוחני ידין את הכל ואותו לא ידין איש׃

ואיש מכם כי יחסר חכמה יבקשנה מאלהים הנותן לכל בנדיבה ובאין גערה ותנתן לו׃