כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

את מי נועץ ויבינהו וילמדהו בארח משפט וילמדהו דעת ודרך תבונות יודיענו׃

האור האמתי המאיר לכל אדם היה בא אל העולם׃

מה עמק עשר חכמת אלהים ועשר דעתו משפטיו מי יחקר ודרכיו מי ימצא׃

כי מי תכן את רוח יהוה ואיש עצתו יודיענו׃

אבל למקראים הן מיהודים הן מיונים את המשיח אשר הוא גבורת אלהים וחכמת אלהים׃

וממנו אתם במשיח ישוע אשר היה לנו לחכמה מאת האלהים ולצדקה ולקדוש ולפדיון׃

אשר צפונים בו כל אצרות החכמה והדעת׃

כי יהוה יתן חכמה מפיו דעת ותבונה׃

וצפן לישרים תושיה מגן להלכי תם׃

ובאמרם חכמים אנחנו היו לכסילים׃

גבר חכם בעוז ואיש דעת מאמץ כח׃

החכמה תעז לחכם מעשרה שליטים אשר היו בעיר׃

ואמרתי אני טובה חכמה מגבורה וחכמת המסכן בזויה ודבריו אינם נשמעים׃

טובה חכמה מכלי קרב וחוטא אחד יאבד טובה הרבה׃