כי חנם מזרה הרשת בעיני כל בעל כנף׃

ואולם שאל נא בהמות ותרך ועוף השמים ויגד לך׃

או שיח לארץ ותרך ויספרו לך דגי הים׃

ידע שור קנהו וחמור אבוס בעליו ישראל לא ידע עמי לא התבונן׃

הביטו וראו את עוף השמים אשר אינם זרעים ואינם קצרים ואינם אספים לאסמים ואביכם שבשמים מכלכל אתם הלא אתם נעליתם עליהם מאד׃

עד מתי עצל תשכב מתי תקום משנתך׃

כחמץ לשנים וכעשן לעינים כן העצל לשלחיו׃

מתאוה ואין נפשו עצל ונפש חרצים תדשן׃

דרך עצל כמשכת חדק וארח ישרים סללה׃

גם מתרפה במלאכתו אח הוא לבעל משחית׃

עצלה תפיל תרדמה ונפש רמיה תרעב׃

טמן עצל ידו בצלחת גם אל פיהו לא ישיבנה׃

מחרף עצל לא יחרש ישאל בקציר ואין׃

תאות עצל תמיתנו כי מאנו ידיו לעשות׃

אמר עצל ארי בחוץ בתוך רחבות ארצח׃

על שדה איש עצל עברתי ועל כרם אדם חסר לב׃

ואחזה אנכי אשית לבי ראיתי לקחתי מוסר׃

ובא מתהלך רישך ומחסריך כאיש מגן׃

אמר עצל שחל בדרך ארי בין הרחבות׃

טמן עצל ידו בצלחת נלאה להשיבה אל פיו׃

ויען אדניו ויאמר אליו העבד הרע והעצל אתה ידעת כי קצר אנכי באשר לא זרעתי וכנס מאשר לא פזרתי׃

שקדו ואל תעצלו התלהבו ברוח עבדו את האדון׃

שלא תעצלו כי אם תלכו בעקבות היורשים באמונה וארך רוח את ההבטחות׃