וארא בפתאים אבינה בבנים נער חסר לב׃

איננו גדול בבית הזה ממני ולא חשך ממני מאומה כי אם אותך באשר את אשתו ואיך אעשה הרעה הגדלה הזאת וחטאתי לאלהים׃

ויהי כדברה אל יוסף יום יום ולא שמע אליה לשכב אצלה להיות עמה׃

ויאמר פרעה אל יוסף אחרי הודיע אלהים אותך את כל זאת אין נבון וחכם כמוך׃

סבותי אני ולבי לדעת ולתור ובקש חכמה וחשבון ולדעת רשע כסל והסכלות הוללות׃

ומוצא אני מר ממות את האשה אשר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד בה׃

סוסים מיזנים משכים היו איש אל אשת רעהו יצהלו׃

שמעו נא זאת עם סכל ואין לב עינים להם ולא יראו אזנים להם ולא ישמעו׃

ובאמרם חכמים אנחנו היו לכסילים׃

על כן גם נתנם האלהים לטמאה בתאות לבם לנבל גויותיהם איש את רעהו׃

זנות ויין ותירוש יקח לב׃

עמי בעצו ישאל ומקלו יגיד לו כי רוח זנונים התעה ויזנו מתחת אלהיהם׃

כי שחה אל מות ביתה ואל רפאים מעגלתיה׃

כל באיה לא ישובון ולא ישיגו ארחות חיים׃

עוונותיו ילכדנו את הרשע ובחבלי חטאתו יתמך׃

הוא ימות באין מוסר וברב אולתו ישגה׃

הולך אחריה פתאם כשור אל טבח יבוא וכעכס אל מוסר אויל׃

עד יפלח חץ כבדו כמהר צפור אל פח ולא ידע כי בנפשו הוא׃

וחטאי חמס נפשו כל משנאי אהבו מות׃

מי פתי יסר הנה וחסר לב ואמרה לו׃

ולא ידע כי רפאים שם בעמקי שאול קראיה׃

השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראל׃

שחתך ישראל כי בי בעזרך׃

האישות תיקר בכל וערש יצועכם אל יחלל את הזנים ואת המנאפים ידין אלהים׃