פקודי יהוה ישרים משמחי לב מצות יהוה ברה מאירת עינים׃

מאיבי תחכמני מצותך כי לעולם היא לי׃

מזקנים אתבונן כי פקודיך נצרתי׃

לתורה ולתעודה אם לא יאמרו כדבר הזה אשר אין לו שחר׃

ועתה דבר הנבואה יותר קים אתנו והטיבתם עשות אשר שתם לבכם אליו כמו אל נר מאיר במקום אפל עד כי יבקע אור היום וזרח כוכב הנגה בלבבכם׃

זכר אפוא אי מזה נפלת ושובה ועשה מעשיך הראשנים ואם לא הנני בא עליך מהר ונסחתי מנורתך ממקומה אם לא תשוב׃

ואמרת איך שנאתי מוסר ותוכחת נאץ לבי׃

אזן שמעת תוכחת חיים בקרב חכמים תלין׃

שבט ותוכחת יתן חכמה ונער משלח מביש אמו׃

לא תשנא את אחיך בלבבך הוכח תוכיח את עמיתך ולא תשא עליו חטא׃

יהלמני צדיק חסד ויוכיחני שמן ראש אל יני ראשי כי עוד ותפלתי ברעותיהם׃

עץ חיים היא למחזיקים בה ותמכיה מאשר׃

וירני ויאמר לי יתמך דברי לבך שמר מצותי וחיה׃

החזק במוסר אל תרף נצרה כי היא חייך׃

ארח חיים למעלה למשכיל למען סור משאול מטה׃

ואל העם הזה תאמר כה אמר יהוה הנני נתן לפניכם את דרך החיים ואת דרך המות׃