דור מה רמו עיניו ועפעפיו ינשאו׃

רשע כגבה אפו בל ידרש אין אלהים כל מזמותיו׃

כי אתה עם עני תושיע ועינים רמות תשפיל׃

לכן ענקתמו גאוה יעטף שית חמס למו׃

ימיקו וידברו ברע עשק ממרום ידברו׃

מלושני בסתר רעהו אותו אצמית גבה עינים ורחב לבב אתו לא אוכל׃

שיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃

עיני גבהות אדם שפל ושח רום אנשים ונשגב יהוה לבדו ביום ההוא׃

הכרת פניהם ענתה בם וחטאתם כסדם הגידו לא כחדו אוי לנפשם כי גמלו להם רעה׃

ויאמר יהוה יען כי גבהו בנות ציון ותלכנה נטוות גרון ומשקרות עינים הלוך וטפוף תלכנה וברגליהם תעכסנה׃

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן׃

תועבת יהוה שפתי שקר ועשי אמונה רצונו׃

עד אמונים לא יכזב ויפיח כזבים עד שקר׃

לשון שקר ישנא דכיו ופה חלק יעשה מדחה׃

תאבד דברי כזב איש דמים ומרמה יתעב יהוה׃

יהוה הצילה נפשי משפת שקר מלשון רמיה׃

מה יתן לך ומה יסיף לך לשון רמיה׃

שמעו דבר יהוה בני ישראל כי ריב ליהוה עם יושבי הארץ כי אין אמת ואין חסד ואין דעת אלהים בארץ׃

אלה וכחש ורצח וגנב ונאף פרצו ודמים בדמים נגעו׃

אתם מן אביכם השטן ולעשות את תאות אביכם חפצתם הוא רוצח נפש היה מראש ובאמת לא עמד כי אמת אין בו מדי דברי כזב משלו ידבר כי כזב הוא ואבי הכזב׃

ומחוץ לה הכלבים והמכשפים והזנים והמרצחים ועבדי האלילים וכל אהב שקר ועשהו׃

אם יאמרו לכה אתנו נארבה לדם נצפנה לנקי חנם׃

ארור לקח שחד להכות נפש דם נקי ואמר כל העם אמן׃

וגם דם הנקי אשר שפך וימלא את ירושלם דם נקי ולא אבה יהוה לסלח׃

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

כי כפיכם נגאלו בדם ואצבעותיכם בעון שפתותיכם דברו שקר לשונכם עולה תהגה׃

ביצי צפעוני בקעו וקורי עכביש יארגו האכל מביציהם ימות והזורה תבקע אפעה׃