השמחים לעשות רע יגילו בתהפכות רע׃

איש תהפכות ישלח מדון ונרגן מפריד אלוף׃

עצה עיניו לחשב תהפכות קרץ שפתיו כלה רעה׃

הפכפך דרך איש וזר וזך ישר פעלו׃

לב חרש מחשבות און רגלים ממהרות לרוץ לרעה׃

און יחשב על משכבו יתיצב על דרך לא טוב רע לא ימאס׃

וכלי כליו רעים הוא זמות יעץ לחבל ענוים באמרי שקר ובדבר אביון משפט׃

והרשעים כים נגרש כי השקט לא יוכל ויגרשו מימיו רפש וטיט׃

ויאמר אלי בן אדם אלה האנשים החשבים און והיעצים עצת רע בעיר הזאת׃

הוי חשבי און ופעלי רע על משכבותם באור הבקר יעשוה כי יש לאל ידם׃

יפיח כזבים עד שקר ומשלח מדנים בין אחים׃

איש תהפכות ישלח מדון ונרגן מפריד אלוף׃

זורע עולה יקצור און ושבט עברתו יכלה׃

מחזיק באזני כלב עבר מתעבר על ריב לא לו׃

כן איש רמה את רעהו ואמר הלא משחק אני׃

פחם לגחלים ועצים לאש ואיש מדונים לחרחר ריב׃

כי רוח יזרעו וסופתה יקצרו קמה אין לו צמח בלי יעשה קמח אולי יעשה זרים יבלעהו׃

ואני מזהיר אתכם אחי לשום פניכם בעשי מחלקות ומכשולים לנגד הלקח אשר למדתם וסורו מהם׃

אל תתעו לא יתן אלהים להתל בו כי מה שזרע האדם אתו יקצר׃

הזרע בבשרו יקצר כליון משברו והזרע ברוח יקצר מן הרוח חיי עולם׃