צדקת ישרים תצילם ובהות בגדים ילכדו׃

מרע מקשיב על שפת און שקר מזין על לשון הות׃

וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃

הדוד אחד תאנים טבות מאד כתאני הבכרות והדוד אחד תאנים רעות מאד אשר לא תאכלנה מרע׃

וכתאנים הרעות אשר לא תאכלנה מרע כי כה אמר יהוה כן אתן את צדקיהו מלך יהודה ואת שריו ואת שארית ירושלם הנשארים בארץ הזאת והישבים בארץ מצרים׃

ושלחתי בם את החרב את הרעב ואת הדבר עד תמם מעל האדמה אשר נתתי להם ולאבותיהם׃

לכן הסירו מעליכם כל טנוף ותרבות רעה וקבלו בענוה את הדבר הנטוע בכם אשר יכל להושיע את נפשתיכם׃

תהפכות בלבו חרש רע בכל עת מדנים ישלח׃

להצילך מדרך רע מאיש מדבר תהפכות׃

הסר ממך עקשות פה ולזות שפתים הרחק ממך׃

יראת יהוה שנאת רע גאה וגאון ודרך רע ופי תהפכות שנאתי׃

כי הלל רשע על תאות נפשו ובצע ברך נאץ יהוה׃

אלה פיהו מלא ומרמות ותך תחת לשונו עמל ואון׃

דברי פיו און ומרמה חדל להשכיל להיטיב׃

הוות תחשב לשונך כתער מלטש עשה רמיה׃

אהבת כל דברי בלע לשון מרמה׃

הנה יביעון בפיהם חרבות בשפתותיהם כי מי שמע׃

ימיקו וידברו ברע עשק ממרום ידברו׃

שתו בשמים פיהם ולשונם תהלך בארץ׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

וגם מקרבכם יקומו אנשים דברי תהפכות להטות אחריהם את התלמידים׃

ועוד בהיותן עצלות למדו לשוטט מבית לבית ולא לבד עצלות כי אף מפטפטות ורדפות אחר חדשות ומדברות את אשר לא יתכן׃

כי יש הרבה מרדים מדברי הבל ומתעי נפש ובפרט מן המולים׃

אשר סכור יסכר פיהם ההפכים בתים כלם בהורותם דברים לא כנים עקב בצע׃

כן הלשון נצבת בין אברינו המגאלת את כל הגוף ומלהטת את גלגל הויתנו והיא להוטה באש גיהנם׃