Génèse 18:6-8
6
וימהר אברהם האהלה אל שרה ויאמר מהרי שלש סאים קמח סלת לושי ועשי עגות׃
7
ואל הבקר רץ אברהם ויקח בן בקר רך וטוב ויתן אל הנער וימהר לעשות אתו׃
8
ויקח חמאה וחלב ובן הבקר אשר עשה ויתן לפניהם והוא עמד עליהם תחת העץ ויאכלו׃
Génèse 24:13
הנה אנכי נצב על עין המים ובנות אנשי העיר יצאת לשאב מים׃
Génèse 24:14
והיה הנער אשר אמר אליה הטי נא כדך ואשתה ואמרה שתה וגם גמליך אשקה אתה הכחת לעבדך ליצחק ובה אדע כי עשית חסד עם אדני׃
Génèse 24:18-20
18
ותאמר שתה אדני ותמהר ותרד כדה על ידה ותשקהו׃
19
ותכל להשקתו ותאמר גם לגמליך אשאב עד אם כלו לשתת׃
20
ותמהר ותער כדה אל השקת ותרץ עוד אל הבאר לשאב ותשאב לכל גמליו׃
Génèse 29:9
עודנו מדבר עמם ורחל באה עם הצאן אשר לאביה כי רעה הוא׃
Génèse 29:10
ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמו׃
Exode 2:16
ולכהן מדין שבע בנות ותבאנה ותדלנה ותמלאנה את הרהטים להשקות צאן אביהן׃
Ruth 2:2
ותאמר רות המואביה אל נעמי אלכה נא השדה ואלקטה בשבלים אחר אשר אמצא חן בעיניו ותאמר לה לכי בתי׃
Ruth 2:3
ותלך ותבוא ותלקט בשדה אחרי הקצרים ויקר מקרה חלקת השדה לבעז אשר ממשפחת אלימלך׃
Ruth 2:23
ותדבק בנערות בעז ללקט עד כלות קציר השערים וקציר החטים ותשב את חמותה׃
Esaïe 3:16-24
16
ויאמר יהוה יען כי גבהו בנות ציון ותלכנה נטוות גרון ומשקרות עינים הלוך וטפוף תלכנה וברגליהם תעכסנה׃
17
ושפח אדני קדקד בנות ציון ויהוה פתהן יערה׃
18
ביום ההוא יסיר אדני את תפארת העכסים והשביסים והשהרנים׃
19
הנטפות והשרות והרעלות׃
20
הפארים והצעדות והקשרים ובתי הנפש והלחשים׃
21
הטבעות ונזמי האף׃
22
המחלצות והמעטפות והמטפחות והחריטים׃
23
הגלינים והסדינים והצניפות והרדידים׃
24
והיה תחת בשם מק יהיה ותחת חגורה נקפה ותחת מעשה מקשה קרחה ותחת פתיגיל מחגרת שק כי תחת יפי׃
Esaïe 32:9-11
9
נשים שאננות קמנה שמענה קולי בנות בטחות האזנה אמרתי׃
10
ימים על שנה תרגזנה בטחות כי כלה בציר אסף בלי יבוא׃
11
חרדו שאננות רגזה בטחות פשטה וערה וחגורה על חלצים׃
Actes 9:39
ויקם פטרוס וילך אתם ובבאו העלהו אל העליה ותנשנה אליו כל האלמנות בוכיות ומראות לו את הכתנת ואת הבגדים אשר עשתה צביה בעודה עמהן׃
Actes 9:40
ויוצא פטרוס את כלם החוצה ויכרע על ברכיו ויתפלל ויפן אל גויתה ויאמר טביתא קומי ותפתח את עיניה ותרא את פטרוס ותתעודד׃
1 Thessaloniciens 4:11
ותשתדלו לשבת בנחת ותעשו איש מלאכתו בעמל ידיכם כאשר צוינו אתכם׃
2 Thessaloniciens 3:10-12
10
כי גם בהיותנו אצלכם צוינו אתכם לאמר מי שלא ירצה לעבד גם אכול לא יאכל׃
11
כי שמענו שיש בכם אנשים המעקשים את דרכיהם ואינם עבדים מאומה ומבלים ימיהם בהבלים׃
12
ואנשים כאלה נצוה אותם ונבקש מהם באדנינו ישוע המשיח לעבד בנחת למען יאכלו את לחמם׃
1 Timothée 5:10
ויש לה עדות על מעשיה הטובים שגדלה בנים והכניסה ארחים ירחצה את רגלי הקדשים ותמכה את העשוקים ורדפה כל מעשה טוב׃
1 Timothée 5:14
על כן רצוני כי הצעירות תהיינה לאיש ללדת בנים ולהנהיג את בתיהן ולא לתת לאיב תאנה לחרף׃
Tite 2:5
ולהיות צנועות וטהרות צופיות הליכות ביתן וטבות ונכנעות לבעליהן למען לא יחלל דבר האלהים׃