יסר לץ לקח לו קלון ומוכיח לרשע מומו׃

אל תוכח לץ פן ישנאך הוכח לחכם ויאהבך׃

אם חכמת חכמת לך ולצת לבדך תשא׃

נכונו ללצים שפטים ומהלמות לגו כסילים׃

זד יהיר לץ שמו עושה בעברת זדון׃

כי רם יהוה ושפל יראה וגבה ממרחק יידע׃

כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃

וגם יגדיל לתת חן על כן אומר אלהים ללצים יליץ ולענוים יתן חן׃

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן׃