בשוט לשון תחבא ולא תירא משד כי יבוא׃

לשד ולכפן תשחק ומחית הארץ אל תירא׃

אם אתה הכינות לבך ופרשת אליו כפך׃

כי אז תשא פניך ממום והיית מצק ולא תירא׃

לדוד יהוה אורי וישעי ממי אירא יהוה מעוז חיי ממי אפחד׃

בקרב עלי מרעים לאכל את בשרי צרי ואיבי לי המה כשלו ונפלו׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

יהמו יחמרו מימיו ירעשו הרים בגאותו סלה׃

לא תירא מפחד לילה מחץ יעוף יומם׃

משמועה רעה לא יירא נכון לבו בטח ביהוה׃

לא תאמרון קשר לכל אשר יאמר העם הזה קשר ואת מוראו לא תיראו ולא תעריצו׃

את יהוה צבאות אתו תקדישו והוא מוראכם והוא מערצכם׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

תבקשם ולא תמצאם אנשי מצתך יהיו כאין וכאפס אנשי מלחמתך׃

אל תיראי תולעת יעקב מתי ישראל אני עזרתיך נאם יהוה וגאלך קדוש ישראל׃

הן איתי אלהנא די אנחנא פלחין יכל לשיזבותנא מן אתון נורא יקדתא ומן ידך מלכא ישיזב׃

והן לא ידיע להוא לך מלכא די לאלהיך לא איתנא פלחין ולצלם דהבא די הקימת לא נסגד׃

והנה סער גדול היה בים ותכסה האניה בגלים והוא ישן׃

ויאמר אליהם קטני האמונה למה זה יראתם ויקם ויגער ברוחות ובים ותהי דממה גדולה׃

ואתם עתידים לשמע מלחמות ושמעות מלחמה ראו פן תבהלו כי היו תהיה כל זאת אך עדן אין הקץ׃

ויאמר אליהם למה ככה אתם חרדים איך אין לכם אמונה׃

ובשמעכם מלחמות ומהומות אל תחתו כי היו תהיה זאת לראשונה אך עוד קץ למועד׃

אל יבהל לבבכם האמינו באלהים ובי האמינו׃

אבל אשריכם גם אם תענו למען הצדקה אך מוראם לא תיראו ולא תעריצו׃

בבא כשאוה פחדכם ואידכם כסופה יאתה בבא עליכם צרה וצוקה׃

איך היו לשמה כרגע ספו תמו מן בלהות׃

לכן כאשר תראו שקוץ משמם האמור על ידי דניאל הנביא עומד במקום קדש הקרא יבין׃

אך לא יפל משערת ראשכם ארצה׃

וכאשר תראו מחנות סובבים את ירושלים ידע תדעו כי קרב חרבנה׃

כי ימי נקם המה למלאת כל הכתוב׃

ונפלו לפי חרב והגלו אל כל הגוים וירושלים תרמס ברגלי גוים עד כי ימלאו עתות הגוים׃

וימוגו בני האדם מאימה ומחרדת הבאות על כל הארץ כי כחות השמים יתמוטטו׃

וכאשר תחל להיות זאת התעודדו ושאו ראשיכם כי קרובה גאלתכם לבוא׃