בהתהלכך תנחה אתך בשכבך תשמר עליך והקיצות היא תשיחך׃

ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכם׃

אני שכבתי ואישנה הקיצותי כי יהוה יסמכני׃

בשלום יחדו אשכבה ואישן כי אתה יהוה לבדד לבטח תושיבני׃

הנה לא ינום ולא יישן שומר ישראל׃

יומם השמש לא יככה וירח בלילה׃

אני ארעה צאני ואני ארביצם נאם אדני יהוה׃

שוא לכם משכימי קום מאחרי שבת אכלי לחם העצבים כן יתן לידידו שנא׃

על זאת הקיצתי ואראה ושנתי ערבה לי׃

ויהי בלילה ההוא אשר אמר הורדוס להביאו מחר לדין ויישן פטרוס בין שני אנשי צבא והוא אסור בשנים זקים ושמרי הפתח שמרים את המשמר׃

ועל דבר הישנים אחי לא נכחד מכם דבר למען לא תעצבו כאחרים אשר אין להם תקוה׃

כי אם נאמין אשר מת ישוע ויחי כן יביא האלהים על ידי ישוע גם את הישנים אתו׃