עוונותיו ילכדנו את הרשע ובחבלי חטאתו יתמך׃

צדקת תמים תישר דרכו וברשעתו יפל רשע׃

צדקת ישרים תצילם ובהות בגדים ילכדו׃

בפשע שפתים מוקש רע ויצא מצרה צדיק׃

יצרו צעדי אונו ותשליכהו עצתו׃

יאחז בעקב פח יחזק עליו צמים׃

ימטר על רשעים פחים אש וגפרית ורוח זלעפות מנת כוסם׃

והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

וכשלו בם רבים ונפלו ונשברו ונוקשו ונלכדו׃

ויעירו ממוקשי השטן אשר צדם בהם לרצונו׃

אור זרע לצדיק ולישרי לב שמחה׃

קול רנה וישועה באהלי צדיקים ימין יהוה עשה חיל׃

וכהניה אלביש ישע וחסידיה רנן ירננו׃

אשר בידו מצאנו באמונה מבוא אל החסד הזה אשר אנחנו עמדים בו ונתהלל בתקות כבוד האלהים׃

ולא זאת בלבד כי אף נתהלל בצרות יען אשר ידענו כי הצרה מביאה לידי סבלנות׃

אך לשמחה חשבו לכם אחי כאשר תבאו בנסינות שונים׃

אשר אהבתם ולא ראיתם ואשר עתה תאמינו בו בלא ראות אתו ובכן תגילו בשמחה מפארה עצמה מספר׃

ואת זאת כתבים אנחנו לכם למען תהיה שמחתכם שלמה׃