מלך במשפט יעמיד ארץ ואיש תרומות יהרסנה׃

תועבת מלכים עשות רשע כי בצדקה יכון כסא׃

חסד ואמת יצרו מלך וסעד בחסד כסאו׃

הגו רשע לפני מלך ויכון בצדק כסאו׃

נגיד חסר תבונות ורב מעשקות שנאי בצע יאריך ימים׃

כי אזן שמעה ותאשרני ועין ראתה ותעידני׃

ברכת אבד עלי תבא ולב אלמנה ארנן׃

עינים הייתי לעור ורגלים לפסח אני׃

ואשברה מתלעות עול ומשניו אשליך טרף׃

ידין עמך בצדק וענייך במשפט׃

ישפט עניי עם יושיע לבני אביון וידכא עושק׃

כי יציל אביון משוע ועני ואין עזר לו׃

מתוך ומחמס יגאל נפשם וייקר דמם בעיניו׃

עד מתי תשפטו עול ופני רשעים תשאו סלה׃

שפטו דל ויתום עני ורש הצדיקו׃

כי אמרתי עולם חסד יבנה שמים תכן אמונתך בהם׃

למדו היטב דרשו משפט אשרו חמוץ שפטו יתום ריבו אלמנה׃

ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

שמנו עשתו גם עברו דברי רע דין לא דנו דין יתום ויצליחו ומשפט אביונים לא שפטו׃

דן דין עני ואביון אז טוב הלוא היא הדעת אתי נאם יהוה׃

להן מלכא מלכי ישפר עליך וחטיך בצדקה פרק ועויתך במחן ענין הן תהוא ארכה לשלותך׃

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

והוא גדול יהיה ובן עליון יקרא ויהוה אלהים יתן לו את כסא דוד אביו׃

ועל בית יעקב ימלך לעולם ועד ולמלכותו אין קץ׃

אך על הבן אמר כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃