Proverbes 2:1-6
1
בני אם תקח אמרי ומצותי תצפן אתך׃
2
להקשיב לחכמה אזנך תטה לבך לתבונה׃
3
כי אם לבינה תקרא לתבונה תתן קולך׃
4
אם תבקשנה ככסף וכמטמונים תחפשנה׃
5
אז תבין יראת יהוה ודעת אלהים תמצא׃
6
כי יהוה יתן חכמה מפיו דעת ותבונה׃
Proverbes 3:1-35
1
בני תורתי אל תשכח ומצותי יצר לבך׃
2
כי ארך ימים ושנות חיים ושלום יוסיפו לך׃
3
חסד ואמת אל יעזבך קשרם על גרגרותיך כתבם על לוח לבך׃
4
ומצא חן ושכל טוב בעיני אלהים ואדם׃
5
בטח אל יהוה בכל לבך ואל בינתך אל תשען׃
6
בכל דרכיך דעהו והוא יישר ארחתיך׃
7
אל תהי חכם בעיניך ירא את יהוה וסור מרע׃
8
רפאות תהי לשרך ושקוי לעצמותיך׃
9
כבד את יהוה מהונך ומראשית כל תבואתך׃
10
וימלאו אסמיך שבע ותירוש יקביך יפרצו׃
11
מוסר יהוה בני אל תמאס ואל תקץ בתוכחתו׃
12
כי את אשר יאהב יהוה יוכיח וכאב את בן ירצה׃
13
אשרי אדם מצא חכמה ואדם יפיק תבונה׃
14
כי טוב סחרה מסחר כסף ומחרוץ תבואתה׃
15
יקרה היא מפניים וכל חפציך לא ישוו בה׃
16
ארך ימים בימינה בשמאולה עשר וכבוד׃
17
דרכיה דרכי נעם וכל נתיבותיה שלום׃
18
עץ חיים היא למחזיקים בה ותמכיה מאשר׃
19
יהוה בחכמה יסד ארץ כונן שמים בתבונה׃
20
בדעתו תהומות נבקעו ושחקים ירעפו טל׃
21
בני אל ילזו מעיניך נצר תשיה ומזמה׃
22
ויהיו חיים לנפשך וחן לגרגרתיך׃
23
אז תלך לבטח דרכך ורגלך לא תגוף׃
24
אם תשכב לא תפחד ושכבת וערבה שנתך׃
25
אל תירא מפחד פתאם ומשאת רשעים כי תבא׃
26
כי יהוה יהיה בכסלך ושמר רגלך מלכד׃
27
אל תמנע טוב מבעליו בהיות לאל ידיך לעשות׃
28
אל תאמר לרעיך לך ושוב ומחר אתן ויש אתך׃
29
אל תחרש על רעך רעה והוא יושב לבטח אתך׃
30
אל תרוב עם אדם חנם אם לא גמלך רעה׃
31
אל תקנא באיש חמס ואל תבחר בכל דרכיו׃
32
כי תועבת יהוה נלוז ואת ישרים סודו׃
33
מארת יהוה בבית רשע ונוה צדיקים יברך׃
34
אם ללצים הוא יליץ ולעניים יתן חן׃
35
כבוד חכמים ינחלו וכסילים מרים קלון׃
Proverbes 28:24
גוזל אביו ואמו ואמר אין פשע חבר הוא לאיש משחית׃
Proverbes 19:26
משדד אב יבריח אם בן מביש ומחפיר׃
Proverbes 23:19-22
19
שמע אתה בני וחכם ואשר בדרך לבך׃
20
אל תהי בסבאי יין בזללי בשר למו׃
21
כי סבא וזולל יורש וקרעים תלביש נומה׃
22
שמע לאביך זה ילדך ואל תבוז כי זקנה אמך׃
Proverbes 29:3
איש אהב חכמה ישמח אביו ורעה זונות יאבד הון׃
Proverbes 29:15
שבט ותוכחת יתן חכמה ונער משלח מביש אמו׃
Luc 15:13
ויהי מקץ ימים ויאסף הבן הצעיר את הכל וילך אל ארץ רחוקה ושם פזר את רכשו וילך בדרך סובאים וזוללים׃
Luc 15:30
ויבא בנך זה אשר בלע את נחלתך עם הזנות ותזבח לו את עגל המרבק׃
1 Pierre 4:3
כי דינו עת החיים אשר עברה לעשות כחפץ הגוים בלכתנו בדרכי זמה ובתאות כסבאי יין וזללי בשר ורדפי שכר ותועבות עבדת האלילים׃
1 Pierre 4:4
ועל זאת תמהים המה ומגדפים כי לא תרוצו עמהם לשטף בזמה כמוהם׃