Proverbes 30:15
לעלוקה שתי בנות הב הב שלוש הנה לא תשבענה ארבע לא אמרו הון׃
Proverbes 30:16
שאול ועצר רחם ארץ לא שבעה מים ואש לא אמרה הון׃
Habaquq 2:5
ואף כי היין בוגד גבר יהיר ולא ינוה אשר הרחיב כשאול נפשו והוא כמות ולא ישבע ויאסף אליו כל הגוים ויקבץ אליו כל העמים׃
Proverbes 23:5
התעוף עיניך בו ואיננו כי עשה יעשה לו כנפים כנשר ועיף השמים׃
Ecclesiaste 1:8
כל הדברים יגעים לא יוכל איש לדבר לא תשבע עין לראות ולא תמלא אזן משמע׃
Ecclesiaste 2:10
וכל אשר שאלו עיני לא אצלתי מהם לא מנעתי את לבי מכל שמחה כי לבי שמח מכל עמלי וזה היה חלקי מכל עמלי׃
Ecclesiaste 2:11
ופניתי אני בכל מעשי שעשו ידי ובעמל שעמלתי לעשות והנה הכל הבל ורעות רוח ואין יתרון תחת השמש׃
Ecclesiaste 5:10
אהב כסף לא ישבע כסף ומי אהב בהמון לא תבואה גם זה הבל׃
Ecclesiaste 5:11
ברבות הטובה רבו אוכליה ומה כשרון לבעליה כי אם ראית עיניו׃
Ecclesiaste 6:7
כל עמל האדם לפיהו וגם הנפש לא תמלא׃
Jérémie 22:17
כי אין עיניך ולבך כי אם על בצעך ועל דם הנקי לשפוך ועל העשק ועל המרוצה לעשות׃
1 Jean 2:16
כי כל אשר בחלד תאות הבשר ותאות העינים וגאות ההון איננו מן אבינו כי אם מן החלד׃