מצדיק רשע ומרשיע צדיק תועבת יהוה גם שניהם׃

לא תטה משפט אבינך בריבו׃

מדבר שקר תרחק ונקי וצדיק אל תהרג כי לא אצדיק רשע׃

הוי האמרים לרע טוב ולטוב רע שמים חשך לאור ואור לחשך שמים מר למתוק ומתוק למר׃

מצדיקי רשע עקב שחד וצדקת צדיקים יסירו ממנו׃

כי מקטנם ועד גדולם כלו בוצע בצע ומנביא ועד כהן כלו עשה שקר׃

וירפאו את שבר עמי על נקלה לאמר שלום שלום ואין שלום׃

לכן אתן את נשיהם לאחרים שדותיהם ליורשים כי מקטן ועד גדול כלה בצע בצע מנביא ועד כהן כלה עשה שקר׃

וירפו את שבר בת עמי על נקלה לאמר שלום שלום ואין שלום׃

יען הכאות לב צדיק שקר ואני לא הכאבתיו ולחזק ידי רשע לבלתי שוב מדרכו הרע להחיתו׃

מנע בר יקבהו לאום וברכה לראש משביר׃

נותן לרש אין מחסור ומעלים עיניו רב מארות׃

אל תלשן עבד אל אדנו פן יקללך ואשמת׃

ויצאו וראו בפגרי האנשים הפשעים בי כי תולעתם לא תמות ואשם לא תכבה והיו דראון לכל בשר׃