כי נעים כי תשמרם בבטנך יכנו יחדו על שפתיך׃

הנחמדים מזהב ומפז רב ומתוקים מדבש ונפת צופים׃

גם עבדך נזהר בהם בשמרם עקב רב׃

מה נמלצו לחכי אמרתך מדבש לפי׃

נחלתי עדותיך לעולם כי ששון לבי המה׃

נמצאו דבריך ואכלם ויהי דבריך לי לששון ולשמחת לבבי כי נקרא שמך עלי יהוה אלהי צבאות׃

בני אם תקח אמרי ומצותי תצפן אתך׃

כי אם לבינה תקרא לתבונה תתן קולך׃

אז תבין יראת יהוה ודעת אלהים תמצא׃

אשרי אדם מצא חכמה ואדם יפיק תבונה׃

יקרה היא מפניים וכל חפציך לא ישוו בה׃

דרכיה דרכי נעם וכל נתיבותיה שלום׃

כי אם יש אחרית ותקותך לא תכרת׃

ויאמר ישוע אליו אם חפצך להיות שלם לך מכר את רכשך ותן לעניים והיה לך אוצר בשמים ושוב הלם ולך אחרי׃

אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃