להקשיב לחכמה אזנך תטה לבך לתבונה׃

אם תבקשנה ככסף וכמטמונים תחפשנה׃

קנה חכמה קנה בינה אל תשכח ואל תט מאמרי פי׃

ראשית חכמה קנה חכמה ובכל קנינך קנה בינה׃

משלי שלמה בן חכם ישמח אב ובן כסיל תוגת אמו׃

קנה חכמה מה טוב מחרוץ וקנות בינה נבחר מכסף׃

למה זה מחיר ביד כסיל לקנות חכמה ולב אין׃

והחכמה מאין תמצא ואי זה מקום בינה׃

תהום אמר לא בי היא וים אמר אין עמדי׃

לא תסלה בכתם אופיר בשהם יקר וספיר׃

ראמות וגביש לא יזכר ומשך חכמה מפנינים׃

טוב לי תורת פיך מאלפי זהב וכסף׃

על כן אהבתי מצותיך מזהב ומפז׃

הוי כל צמא לכו למים ואשר אין לו כסף לכו שברו ואכלו ולכו שברו בלוא כסף ובלוא מחיר יין וחלב׃

עוד דומה מלכות השמים לאוצר טמון בשדה אשר מצאו איש ויטמנהו ובשמחתו ילך ומכר את כל אשר לו וקנה את השדה ההוא׃

וכאשר מצא מרגלית אחת יקרה מאד הלך לו וימכר את כל אשר לו ויקן אתה׃

אך היתרנות האלה כלן חשבתי לי לחסרנות למען המשיח׃

וגם עודני חשב את כלן לחסרון לעמת מעלת ידיעת ישוע המשיח אדני אשר בעבורו חסרתי את נפשי מכל אלה ואחשבם לסחי להרויח את המשיח ולהמצא בו׃

אני איעצך לפנות מאתי זהב צרוף באש למען תעשיר ובגדים לבנים למען תתכסה בהם ולא תראה בשת ערותות ולמשח עיניך קלורית למען תראה׃

כי מה יועיל האדם כי יקנה את כל העולם ונפשו תשחת או מה יתן האדם פדיון נפשו׃

אפס כי רוח הקדש מעיד בכל עיר ועיר לאמר כי מוסרות וצרות נכונו לי׃

בחשבו את חרפת המשיח לעשר גדול מאצרות מצרים כי הביט אל הגמול׃

והם נצחהו למען דם השה ולמען דבר עדותם ולא אהבו את נפשם עד למות׃