שמע בני מוסר אביך ואל תטש תורת אמך׃

נצר בני מצות אביך ואל תטש תורת אמך׃

כי יהיה לאיש בן סורר ומורה איננו שמע בקול אביו ובקול אמו ויסרו אתו ולא ישמע אליהם׃

ואמרו אל זקני עירו בננו זה סורר ומרה איננו שמע בקלנו זולל וסבא׃

ארור מקלה אביו ואמו ואמר כל העם אמן׃

כי משה אמר כבד את אביך ואת אמך ומקלל אביו ואמו מות יומת׃

שמעו בנים אל הוריכם באדנינו כי ארח ישר הוא׃

כבד את אביך ואת אמך זאת היא המצוה הראשונה אשר לה ההבטחה׃

דור אביו יקלל ואת אמו לא יברך׃

איש אמו ואביו תיראו ואת שבתתי תשמרו אני יהוה אלהיכם׃

כי אלהים צוה לאמר כבד את אביך ואת אמך ומקלל אביו ואמו מות יומת׃

ותפרו את דבר האלהים בעבור קבלתכם׃

וירא ישוע את אמו ואת תלמידו אשר אהב עמדים אצלו ויאמר אל אמו אשה הנה זה בנך׃

ואחר אמר אל תלמידו הנה זאת אמך ומן השעה ההיא אסף אתה התלמיד אל ביתו׃