אל תקנא באיש חמס ואל תבחר בכל דרכיו׃

אל תקנא באנשי רעה ואל תתאו להיות אתם׃

לדוד אל תתחר במרעים אל תקנא בעשי עולה׃

בטח ביהוה ועשה טוב שכן ארץ ורעה אמונה׃

כי קנאתי בהוללים שלום רשעים אראה׃

בעמל אנוש אינמו ועם אדם לא ינגעו׃

יצא מחלב עינמו עברו משכיות לבב׃

טוב מעט ביראת יהוה מאוצר רב ומהומה בו׃

אשרי אדם מפחד תמיד ומקשה לבו יפול ברעה׃

ראשית חכמה יראת יהוה שכל טוב לכל עשיהם תהלתו עמדת לעד׃

הללו יה אשרי איש ירא את יהוה במצותיו חפץ מאד׃

כי ברב חלמות והבלים ודברים הרבה כי את האלהים ירא׃

סוף דבר הכל נשמע את האלהים ירא ואת מצותיו שמור כי זה כל האדם׃

כי את כל מעשה האלהים יבא במשפט על כל נעלם אם טוב ואם רע׃

ויהי שלום לקהלות בכל מקמות יהודה והגליל ושמרון ותבנינה ותתהלכנה ביראת האדון ותרבינה בנחמת רוח הקדש׃

לכן חביבי בהיות לנו ההבטחות האלה נטהרה את עצמנו מכל טמאת בשר ורוח להשלים קדשתנו ביראת אלהים׃

ואם אב תקראו לאלהים השפט בבלי משא פנים כפי מעללי איש ואיש התהלכו נא ביראה בימי מגוריכם׃