בני אם יפתוך חטאים אל תבא׃

בני אם תקח אמרי ומצותי תצפן אתך׃

שמעו בנים מוסר אב והקשיבו לדעת בינה׃

והנה הם מביאים אליו איש נכה אברים והוא משכב על המטה ויהי כראות ישוע את אמונתם ויאמר אל נכה האברים חזק בני נסלחו לך חטאתיך׃

ויאמר אליהם ישוע בני היש לכם אכל מאומה ויענו אתו אין׃

בני הנני כתב אליכם את זאת לבלתי תחטאו ואם יחטא איש יש לנו מליץ לפני אבינו ישוע המשיח הצדיק׃

גול יגול אבי צדיק יולד חכם וישמח בו׃

ישמח אביך ואמך ותגל יולדתך׃

משלי שלמה בן חכם ישמח אב ובן כסיל תוגת אמו׃

בן חכם ישמח אב וכסיל אדם בוזה אמו׃

איש אהב חכמה ישמח אביו ורעה זונות יאבד הון׃

כי מי תקותנו ומי שמחתנו ועטרת תפארתנו הלא גם אתם לפני אדנינו ישוע המשיח בבואו׃

אמנם אתם כבודנו ושמחתנו׃

כי עתה נחיה אם תעמדו אתם באדנינו׃

כי מה נשיב לאלהים להודות לו בעבורכם על כל השמחה אשר שמחנו עליכם לפני אלהינו׃

שמחתי למאד כי מצאתי מבניך מתהלכים באמת כמצוה אשר קבלנו מאת האב׃

כי שמחתי למאד כאשר באו אחים ויעידו על אמתך אשר מתהלך באמת אתה׃

אין לי שמחה גדולה מלשמע את אשר בני יתהלכו באמת׃

וששתי עליהם להטיב אותם ונטעתים בארץ הזאת באמת בכל לבי ובכל נפשי׃

יהוה אלהיך בקרבך גבור יושיע ישיש עליך בשמחה יחריש באהבתו יגיל עליך ברנה׃

והביאו את עגל המרבק וטבחו אתו ונאכלה ונשמח׃

כי זה בני היה מת ויחי ואובד היה וימצא ויחלו לשמח׃

אבל נכון לשוש ולשמח כי אחיך זה היה מת ויחי ואבד היה וימצא׃

את אלה דברתי אליכם בעבור תהיה שמחתי בכם ותמלא שמחתכם׃