שמע אתה בני וחכם ואשר בדרך לבך׃

להקשיב לחכמה אזנך תטה לבך לתבונה׃

אם תבקשנה ככסף וכמטמונים תחפשנה׃

כי יהוה יתן חכמה מפיו דעת ותבונה׃

בני לחכמתי הקשיבה לתבונתי הט אזנך׃

לשמר מזמות ודעת שפתיך ינצרו׃

הט אזנך ושמע דברי חכמים ולבך תשית לדעתי׃

ויבואו אליך כמבוא עם וישבו לפניך עמי ושמעו את דבריך ואותם לא יעשו כי עגבים בפיהם המה עשים אחרי בצעם לבם הלך׃

ויאמר אליהם על כן כל סופר המלמד למלכות השמים דומה לאיש בעל הבית המוציא מאוצרו חדשות וישנות׃

לכן הסירו מעליכם כל טנוף ותרבות רעה וקבלו בענוה את הדבר הנטוע בכם אשר יכל להושיע את נפשתיכם׃

כי האיש אשר רק שמע את הדבר ולא עשהו נמשל לאיש מביט את תאר הויתו במראה׃

אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃