כאשר ראיתי חרשי און וזרעי עמל יקצרהו׃

כי רוח יזרעו וסופתה יקצרו קמה אין לו צמח בלי יעשה קמח אולי יעשה זרים יבלעהו׃

חרשתם רשע עולתה קצרתם אכלתם פרי כחש כי בטחת בדרכך ברב גבוריך׃

אל תתעו לא יתן אלהים להתל בו כי מה שזרע האדם אתו יקצר׃

הזרע בבשרו יקצר כליון משברו והזרע ברוח יקצר מן הרוח חיי עולם׃

בפי אויל חטר גאוה ושפתי חכמים תשמורם׃

כי לא ינוח שבט הרשע על גורל הצדיקים למען לא ישלחו הצדיקים בעולתה ידיהם׃

כי את על סבלו ואת מטה שכמו שבט הנגש בו החתת כיום מדין׃

הוי אשור שבט אפי ומטה הוא בידם זעמי׃

אל תשמחי פלשת כלך כי נשבר שבט מכך כי משרש נחש יצא צפע ופריו שרף מעופף׃

כי מקול יהוה יחת אשור בשבט יכה׃